كلمات لطمية ابلا حك باسم الكربلائي
كلمات قصيدة [ ابلا حك ] أداء: الحاج باسم الكربلائي
قصيدة [ ابلا حگ ]
أداء: الحاج باسم الكربلائي
كلمات: الشاعر أبو زينب العبادي
المكان: جامع وحسينية المرحوم عبد مسلم أسد
ليالي استشهاد السيدة فاطمة الزهراء (ع) 1446 هـ
بلا حگ بس غبت عن بيتك
گومك حاربوا ذريتك
لا حرمه نبيهم منعت الصار
مستعجل هبلهم ياخذ الثار
**********
النبي بوكته .. نصح امته
گضه عمره يوصيهم على العتره
الهي اشهد .. أنا أحمد
حبيب الكل محب لاهلي علي اجره
خصيم لكم .. اذا ملتم
ولو بحچايه مو اكثر على الزهره
الغضبها اغضب .. انا والرب
ومن تغضب عليه فاطم خسر عمره
ربي ابسابع سماه وارضه
يرضى من فاطمه ترضى
كل الما تحبه بدربه للنار
مستعجل هبلهم ياخذ الثار
**********
العقل حاير .. على الصاير
ولا جنك يبو الزهره نبي ربهم
زعيم الشر .. اجه و قرر
الخلافه الجانت الحيدر تصير الهم
انعكس فضلك .. ظلم لهلك
ولا غيره وشرف باقي بعد عدهم
حقد ظاهر .. ذئب غادر
يريد ابقسوه ذريتك يذبحهم
رايد ما تبقه الك ذكره
من سل سيفه على الزهره
ما شفنه الهجموه سابق انذار
مستعجل هبلهم ياخذ الثار
**********
بعد فگدك .. اجه البعدك
لبس ثوب الكفر واعلن اهو وربعه
انقلب عالحگ .. على الطلگ
ثلاث مرات دنيتهم بلا رجعه
حقد كاتم .. لابو القاسم
يريد اليوم كل حقده ابعلي يطلعه
بخبث ينبض .. اجه يركض
يصيح الباب دفعوها على البضعة
ما ظل ذرة حيه بگصته
بعيني جاب الحطب شفته
مذهوله انتخيت وما مش انصار
مستعجل هبلهم ياخذ الثار
**********
صعب تعقل .. نبي يرحل
تجيب النار اصحابه وتشب بينه
شفت واحد .. لابوه فاگد
عزائه يصير يا عالم سطر عينه
جبل من هم .. علي خيم
شفت بعض الشهد باسمك قسه علينه
بحطب يجمع .. وإن نسمع
لجتل فاطم ايا قنفذ تره جينه
الثاني يحجي مع الاول
لازم بنت النبي تنذل
ولا نرضه بفضلهم تحجي الاخبار
مستعجل هبلهم ياخذ الثار
**********
شفت زينب .. اجت تنحب
تگلي ليش يايمه شجاه دهرج
الج طه .. العرش باها
خفض جبر جنحانه العظم قدرج
وانا اتحذر .. عليج اكثر
اخاف الخاطرج اكسر اذا اخبرج
قوافل هم .. بدت تلتم
الف بسمار يا زينب تمر صدرج
لو طب رحلج إلى الكوفة
ظعنج كل شامت ايشوفه
بعيون الشماتة اتصد الأنظار
مستعجل هبلهم ياخذ الثار
**********
علي بعدي .. عليه تسدي
قصص هم وحزن تخلص مع أنفاسه
الحسن بعده .. ابغدر جعده
واخوه المنكسر ظهره على عباسه
عدوه اصطف .. عليه بالطف
وحيد وكلها على الغبره اعز ناسه
يرض حافر .. صدر طاهر
چف اللي دفع بابي يحز راسه
زينب بيها الوكت جافي
تمشي فوگ الجمر حافي
عالنوگ الهزل ودتها الاقدار
مستعجل هبلهم ياخذ الثار
**********
البجي انمنعه .. على البضعه
على عيوني حرام اصبح بعد تدمع
سكن حزني .. بوسط جفني
ندهت بحسره يالمهدي متى تطلع
يروح امك .. متى باسمك
ينادي بصوت وحي الله وإله نسمع
تجي الگبري .. وتضم صدري
تگلي اليوم ارد حقج تره مربع
واگطع چف السطر عينج
واخذ ثار الدمه حسينج
ولا خلي العدوهم بعده تذكار
مستعجل هبلهم ياخذ الثار
**********
المقطع الصوتي بصيغة MP3
رد مع اقتباس