هنا

[ارجع يازمان]

ليش بحجيات فشله
رحت تركض ,,, سولفتهن!
سولفتهن!!
وأنه كل الأدري بيهن ,,, ما كلتهن!
لأن مو هسه ....وكتهن!
ما كلتهن!
الفرعالي أسرار عمره...
حجبتهن!
وحتى خطار أعله بالي , أبد مامره جبتهن !
ما جبتهن!
ونظرة اعيوني عليهن ,, ما يشوفن دربتهن!
أقرأ واكتب ناجح انه ,,
الكل ح ر و ف
اتعلمتهن.
لكن احروف
ال خ ي ا ن ه ...
رسبني..با امتحاني..
جي أبد ما صاحبتهن!
وما ردتهن!!
اتنازلت عن امنياتي ,,,,
ولك كلهن طيحتهن!!
.
حتى أضل أمشي ابرهاتي,,
ابذني عثرات الدستهن!
.
خل أعلمك شني ذاتي,,
وشنهي هنه الرافكتهن!
.
النخوه والغيره ابصفاتي,,
العفت كلشي وما عفتهن!
.
أفرح ابكل ذكرياتي,,,
وأبتسم لو صادفتهن!
.
لأن ما غطت عباتي,,,
امكسرات الماصحتهن!
.
اجروح الأعزاز ابحياتي ..
ابلجمتي ما عاتبتهن!
وزاعلت روحي الأجلهن ,, بس أبد ما زاعلتهن!
من كثر ما أحبهن اني
ابدم وريدي غسلتهن!
وجومتهن..
وعله الحايط علكتهن!
عله الحايط عالكتهن!!
حسين االساعدي