لكن امطافر حجيهم!
...
لا يروحي.. امشينه عنهم
ما يريدونا وحجوها ابكل صراحه

وأأأه يروحي.. اشننسه منهم
وهمه ذوله العلمونه اعله النياحه!

هاكثر... سامحنه بيهم
وهاكثر بعيونهم شالت وكاحه

سامحيناهم ....وإديهم!!
سدت البيبان ,, بوجوه السماحه!

فشله يا روحي نجيهم
وما يلاكونه ابوجه,, ينطي انشراحه!

وهنه مترين ,,العليهم
صارن ابطول الزمان ابهل مساحه!

بعد لتوديني ليهم!
انتي تعبانه,, وتدورين استراحه

وذوله اسم التعب بيهم
وماكو يم أسم التعب موجوده راحه!

جا كلتلج ...عاتبيهم
كون أعرف للعتب.. فرصه ابنجاحه

لكن امطافر.. حجيهم!
وااليطافر بالحَجي.. ايحب الكباحه!
االيطافر بلحَجي ..ايدور الكباحه!
حسين االساعدي