جابولچ نعش وانتي اثمنطعش
عمرچ يم حسن اه يالحنينه
مكسور الضلع بابچ يندفع
وعيونچ طفن رحتي من ادينه
بالعيونج مصابچ يزهره يا غريبه
ولگينه اعلى بابچ أثر للمُصيبه
حيدر وحده وتعبان ابو حسين
مو حيل المُصيبه اتريد حيلين
خل انشيع ام حسين يا ناس
ونشيل الجنازه نحطهه عالراس
تابوت العشگ حيدر مختنگ
ظهره المنكسر شال الزچيه
يمشي وماكدر خطوات وعثر
چا تالي العمر دفنچ بديه
علي يصيح تره الباب كسر كل حياتي
مشه وطاح ابو تراب مشت كل ذكرياتي
ويلاه راحت من ادينه الزهره ويلاه
الله يعين حيدر محد اوياه
خل انشيع ام حسين يا ناس
ونشيل الجنازه نحطهه عالراس
عيون ام الحسن يالساده انطفن
ما صاحت علي صبرت عالفجيعه
المحسن والضلع ما يكفي الدمع
حرمه وتنولي عالباب الوديعه
دوت نار على الدار والآثار بديهه
طفل راح والارماح تلاگن عليهه
وين اهل اللطم وين اليشيعون
لتشييع الزچيه خل يحضرون
خل انشيع ام حسن يا ناس
ونشيل الجنازه نحطهه عالراس
زهره وما غفت عصروها وطفت
عالباب انچفت هي وضواها
من حزن لحزن غربه وتندفن
مهظومه وتون كسرو گفاها
تروحين والحسين وراه خيل يزهره
تونين تصيحين انسحگ يايمه صدره
ضلعچ والجنع نيشان تدرين
باچر خيل تصعد فوگ الحسين
خل انشيع ام حسين يا ناس
نشيل الجنازه نحطهه عالراس
يا روحي وهلي تعبتي علي
افراگچ مو سهل طول ام حسن راح
باچر كربله تسبي العايله
زينب عالهزل وولدچ عالرماح
مصابچ وداعچ بده وصار سبيهه
اعله بابچ والغياب خيم تدوي بيهه
باچر زينب اعلى الناگه يا ناس
باچر بالغرب لو طاح عباس
كلمات - محمود الموسوي
رد مع اقتباس