كلمات قصيدة غدا يظهر حفيدج - الرادود حيدر البياتي - عبد الزجية مكتوبة
انا عبد الزچيه سنيني فاطمية
صرت لأجل العزاء صرت لأجل العزاء
لطُم صدري ونحيبي لأبو اليمه حبيبي قبلتي كربلاء
لبيكِ يا زهراء لبيكِ يا زهراء
يفاطم عزائي وبكائي الچ مو للثواب
لمصابچ دموعي وضلوعي ردت يُلطمها باب
ارزقيني لُطف وابقى بحياتي الفاطميه
عَزيه اگضيها لمصابچ واطب ثاني عَزيه
اموت امنيتي لَعيونچ يمحلى هالمنيه
ويگولون اعلى تاريخي سبب موته الزچيه
قَريبه ومو بعيده تموتني القَصيده واغمض بالبُكاء
سبب نوحي ومشيبي لأبو اليمه حبيبي قبلتي كربلاء
لبيكِ يا زهراء لبيكِ يا زهراء
أضحي بحياتي ونجاتي وفدى لحسين أصيح
بعزيتي اصلي على اللي بقه يگوم ويطيح
على مصابك يبو اليمه تمنيته مماتي
عهد مني لأجل عينك تعب اگضي حياتي
فده صوتي وفده جفني وفده نحري وغلاتي
تضل يمي وفلا تصعد بلا ايدك صلاتي
حِسيني وكربلائي اموت بلا عزائي لسيد الشُهداء
ارضعت حزني بحليبي لأبو اليمه حبيبي قبلتي كربلاء
لبيكِ يا زهراء لبيكِ يا زهراء
التناسى دموعچ ضلوعچ شكو يصلي الصلاة
انخلقنه لعيونچ وبدونچ ترى ماكو صلاة
قياس الغيره يالزهره على بابچ مصيره
اليجامل على ضلعچ إذن ما عنده غيره
شنو احساسه النكر ضيمچ والضلوع الكسيره
نسه الاولى والوسطى يفاطم والاخيره
يسر الله يكبره يغيمه وكُلشي صحره يرافضة الفناء
انا عشگي ربيبي لأبو اليمه حبيبي قبلتي كربلاء
لبيكِ يا زهراء لبيكِ يا زهراء
حبيبي اعلى بابك ومصابك ولا تنشف دموع
الدنالك ترفعه فيسمع صدى كسر الضلوع
يـ.أقربلي من اوريدي ولي روحك قريبه
يساترني بهدم غيره لچن جثتك سليبه
ُمصابك ياخذ بگلبي على الاه ويجيبه
انا عايش لكي أنت تعيشني المُصيبه
يكُلشي والله يشهد يريحانة مُحمد يواسع بالعطاء
أنا أترك قريبي لأبو اليمه حبيبي قبلتي كربلاء
لبيكِ يا زهراء لبيكِ يا زهراء
لدماكم اكابر واناطر واطالب بالدمه
ويبنكم اجاهد وتعاود ابتسامة فاطمه
حلاة الدنيا من يرجع ابو صالح يفاطم
وانا البس درع واركض واگُله احسبني خادم
متى يگُلچ بقيت الله وكحُل عين الهواشم
امسحيها دمعتچ انا بهالجمعه قادم
غداً يظهر حفيدچ يرجع كُلشي بيدچ يروي حسينه ماي
ابو صالح طبيبي لأبو اليمه حبيبي قبلتي كربلاء
لبيكِ يا زهراء لبيكِ يا زهراء
الشاعر | ميثاق الحمداني
رد مع اقتباس
