هاي الملاعب والملاعب نادتك
وبخيل ورماح المنايه تلگتك
الدنيا ترجف من ترفرف رايتك

شيل الفرات بيمنتك لاعب الحومه بيسرتك
يلما تثني بچلمتك هم رجلك الماي عطاشى اروينه

حيهم يعباس يعمي سكينه

گاللها ممنون وشدلچ رايتي
انه الهه مضموم هاي اطلابتي
گالتله مشكور يبعد اعصابتي

چنك ابوك بوگفتك ما غيره تشبه غيرتك
حيل الله كله بيمنتك بيك اذكر ازغير وتباهينه

حيهم يعباس يعمي سكينه

شافوه مختاض من يفزع نيته
من اوله الجيش ارتخه لتاليته
عباس يم زينب نزع چفيته

صوال وصاح اليوم الي والحومه گامت تصتلي
لاگاها گلهه بچف علي ما جابته امه الخله عينه بعينه

حيهم يعباس يعمي سكينه

اجنح على الگوم شبل فارس مضر
من شافه مختاض بلع ريجه النهر
من غضب عباس جزه وادي سقر

ساگاهه ضنوة حيدره وتمنه بالطف خيبره
خل يدري صاح الما دره وجه الله الحسين وانه يمينه

حيهم يعباس يعمي سكينه

يعجيد الرجال يمن سابگ وكت
ياسم يطاعون يسد من ضغضبت
يمچفن الموت عليهه ترندحت

ضاجت وفحطت بالدمه ويلهج بذكرك صارمه
لو صرخ تهتز السما لاچن تدخل بيهه امر بارينه

حيهم يعباس يعمي سكينه

شچ رمحه بالگاع طگ عرگه ونزف
فزز اموات حدر وادي النجف
كض جوده والطف وبزينب حلف

بيهه ارد اسوي الما جرى والسيفي اوگفهم سرى
يا قوم انا من يا ترى عباس اخو حسين عشيچ احسينه

حيهم يعباس يعمي سكينه

طاحت من الخيل عجزت تنتهض
ما تمشي الخيول نست شنهو الركض
بالحومه عباس ركض طول بعرض

شافت الموت بصولته ومحد تدنه لجربته
مو همه الگطعو يمنته لخنصر حسين گطع چفينه

حيهم يعباس يعمي سكينه


كلمات - احمد المشرفاوي