تجي للدنيا تلگي نفسك بهذا البلد
مبدئياً انت حقوقك مأخوذة ليگدام بعدك بأول يوم بحياتك
و مسار حياتك مرسوملك غصباً عليك تمشي عليه
تتعب و تشوف الضيم و تتجرع المُر و تتعب اهلك وياك حتى تستمر على هذا مسارك المجبور عليه
لهنا ثلث من عمرك رايح حتى تحصل الشهادة الي اغلبيتنا مجبورين عليها بس حتى تگدر تعيش بأقل حجم معاناة و شلعان گلب
تنهي الخمسة و عشرين سنة و انت شايل بگلبك الاف الأمال و الطموحات حتى تبدي حياتك الفعلية و تحدد مسارك .
تنتقد الغلط تنكتل ، تخالف الرأي تطلع مرتد و خارج من الإسلام و الملة ، تسكت تشبع قهر و تأنيب ضمير
الدنيا كلها تصيح هيهات من الذلة و احنا عايشين بقاع الحضيض ، يا ليتنا كنا معك و لسة الف يزيد و شمر مالكين رگابنا و يتحكمون بمقدراتنا و مصيرنا
اي هوان و ذلة اكثر من هاي العايشيها ؟
رد مع اقتباس
المشاركة الأصلية كتبت بواسطة حياتي البصرة
