هنا

[ارجع يازمان]

من عدكم أريد الراي!
لأن صارن .... اجروحي اهواي!!
وخاف اجروحي تكثر... لو كثر ممشاي!
شتكولون؟؟؟
أبقى امشي ابطريقي ...
وجرحي يمشي اوياي؟
لو ابقى ابمكاني ,ومبتلي ابلواي؟؟
لو أرجع وأزيد ,,,,,
اجروحي
​ البدنياي!
وأدري الرجعه كلها اجروح!!
تشبه رجعة المذبوح!
وبالروحه تروح الروح!
واذا أبقى ابمكاني,
هم اضل مجروح , وهم اللي أريده ايروح!
شتكولون؟؟؟
ياهو اليجي ايصالحلي الجمر* والماي!!
ياهو ايقنع المصيود ,, بالصاده يحبه اهواي!
حرت مابين ذيب الراح,
وذيب المعتني عناي!!
مدري خايف إمن الراح!! مدري خايف إمن الجاي!!
ياهو الينطي .... رايه ابهاي!!!!
أريد الراي,,, أريد الراي
حسين االساعدي