يمكن لو اجيتوا العتبة الدار
كبل الباب تنفك الحياطين!
.
هلبت مره وتمرولي خطار
واشتمكم عطر ورد البساتين
.
رحتوا وما دريتوا اشصار ماصار!
جمرات الدموع امدخنه بالعين!
.
أدور يادرب؟ ممسوحه الاثار!
بس ابخدي جمرات النياشين!
.
بدموعي وأطفي النار بالنار
كلبي* ودمعتي *وعفتولي نارين!!
.
ياريت الدمع مَيطَفي الأنوار
حتى انطركم ابكل الدرابين!
.
تعبان وتطشر عمري طشار
تعالوا هسه ... لتخلوها بعدين!
.
اليسأل عليكم شنهي الاعذار!
ما أدري ابدربكم وين ما وين!
ما أدري ابدربكم وين ما وين!
حسين االساعدي