ربعي بكل خلايا الدم
الهم موقف وثايه
كالوا خويه لا تهتم
ما توكعلك حجايه
والتفرضه عليه نرضه
"""""""""""""""""""""""""""""""""""""""""""""" "
عابس بعز الهوه ذب الهدوم ونوه ننذبح بالطف سوه
ما رجف لا
اتخذ ليلك جمل كتله لاكن ما قبل احنه ربعك لو اهل
اهلي والله
نخيت المو نحس طبعه صحت يا حارس البضعه
نذر روحه وشمر درعه محلا
جنونك قدوه للعاقل ضميرك للحرب نازل
وحق جفوف ابو فاضل اهووا
كون اليعشك وينجن
هذا الينقبل عشكه
معذور الكلب لو حن
سيف ابنادم الفركه
عشك مرضه عليه نرضى
"""""""""""""""""""""""""""""""""""""""""""""" "
حكي اسولف بالربع صاروا لزينب درع شيخ الانصار السبع
الله حياا
كلهه عد عينج زلم مو حبيب الينهزم هي كالت والنعم
زلمه تنخاا
بشر يستاهل نقدره واسجله بدفتر الزهره
واكعده بصفي بالحضره وياي
بخت مو شيبه عاديه مجاهد ميه بالميه
يكلي الدنيه مكضيه مولاي
كالو شايب ومن هد
مشه المعركه بكيفه
هذا المادخلهه ورد
اله ومنثلم سيفه
يرب حفضه عليه نرضه
"""""""""""""""""""""""""""""""""""""""""""""" "
واضح وما ينخفي موقف الحر الوفي كون اذكره واكتفي
كلبه دلا
احجي عن الكاهلي لو شبيب النهشلي هذا يتنفس علي
يهوه مولا
كنانه التغلبي تقدم وصل يم زينب وسلم
اخوتي او وقعوا بالدم والله
يزيد العبدي ما قصر بعدني بمكه وتحضر
حلفلي يحامي عالخدر بدماا
بيهم رافع الازدي
بيهم نافع وعامر
بيهم سالم العبدي
بيهم مسلم الطاهر
والنحفضه عليه نرضى
"""""""""""""""""""""""""""""""""""""""""""""" "
ذوله خوتهم صدك ذوله دلالي اليدك اجمل واطهر عشك
احنه عشناا
الله قرر ننجمع والتقينه بهالوضع يختلط دم الربع
احنه ردنا
زلم ما رخصوا بيه ولا خانتهم النيه
زلم كالولي مكضيه لتحير
حلاة اليوكع بشده مثل هاي الربع عده
ربع ما ممكن ترده شيصير
تنخاهم يجيك الرد
تبشر يا هوه الريه
واحدهم بالف ينعد
نزفوا يمي حنيه
على لحضه عليه نرضى
"""""""""""""""""""""""""""""""""""""""""""""" "
طبع اليخون الملح اعوج وما ينصلح يبتسم من تنجرح
هذا تلكا
واني خاويت الشهم والمقدس والمهم انصه واحد عالنجم
الله علا
لكيت التركي والطائي لكيت الحضرمي الواعي
لكيت اليلزم شراعي لو طاح
لكيت الغيره بنصاري اخوتي واعضم اسراري
اجوني وامنت ثاري ما راح
ركضوا ركضة اليجن
من يحشمه محبوبه
ما كالوا نموت لمن
ذيج الليله مكتوبه
واللنعوضه عليه نرضه
"""""""""""""""""""""""""""""""""""""""""""""" "
كلمات الشاعر محمد رسول الحميري
MP3
............,..
رد مع اقتباس