هنا

[ارجع يازمان]

راح اكول احجايتي
ولتكلي ليش!
كونك ابعزة نفس .. رايد تعيش

رافك اهل الغيره وافعال السباع
وابد لترافك .... الديوث الكديش!

ابقه ويه الوفي .. الحد الانصياع
ولا تأمن يوم .. الافعاله تطيش!

وأبد لا تتلوك ... ابكل الطباع
اللوكي ماعنده وزن. مثل الحشيش!

صير غالي* ابحضرتك* لو بالوداع
ولا تخليلك سعر! والمدري بيش!

هي مو بالهوسه,, ينحل النزاع
وما تحل المشكله.. ابليش وعليش!

لا تساوي السيف! اليهد القلاع!
بالمخده وتعرف النافخها ريش!!

المحال ايذله جف , المستطاع!!
ماتذله اجفوف ,,,التسرحله ميش!!

يصح جيش امفرهد ابدرب الضياع
ويصح واحد ( لكن ) ايعادله جيش!
يصح واحد هيبه ويعادله جيش!!
حسين االساعدي

[حسام البابـلي]

شكراً لك