هنا

[ارجع يازمان]

راح السولفتهن!!
أرجع احجيهن...
بلكت تسمعوني ,,,,, من أرد بيهن!
شو محد سمعني .. إشما أعلي الصوت!!!
عندي اجروح وكحه ..
وين أوديهن؟؟
ذاك العيد .. هاجن .. شلعن االمنبوت!
مغثوثات كلشش
ما ادري اشبيهن!
من بغداد .. بالدم .. فاجن اعله الكوت
وهم زين أكو سده
اهناكه تحميهن!!
ايكطعن الشارع ..... يوم زفه اتفوت
ويفرحن باالجنازه
اللي تلاكيهن!!
صلفات ويرفضن.. امسح المثبوت!
ولازم بالملح
كل يوم أغطيهن!
ايشرطن علي للدوم ....أضل مكبوت
وكل عيد اليمر
بدموع أواسيهن!!
وبوقت الضحك... كون الضحك بسكوت
اذا صوتي طلع!
صوتي يأذيهن!!
ما ينطني عطوه.... وثارهن موقوت!
ويرمن بيتي
ليليه ابشكاويهن!!
رفضن كل فصل .. ومهجمات ابيوت
متهمهن وصيه
إشما أوصيهن!
كد ما عذبني...كمت أريد الموت
وأدري الموت
بس هو اليعزيهن!!
***
أمشي اليا درب!!.. وانطي الوجه ليوين!!
المصيبه كل درب .. هم ممتحن بيهن!
تنخيت العشيره.. وكل رجال الدين,,
هلبت بالنصيحه .. والله يهديهن!
بس المشكله..
محد بجه وياي!
ياهو السمع قصتهن .. بجه اعليهن!!
كلمن عرف قصتهن .. بجه اعليهن!!
حسين االساعدي