سمعت سالفة سولفوه اهلنه مسولفه سايق تكسي
يكول فد طابك على السرة مال بغداد صعدوا وياي عبريه اربعه
واحد شاب وسطة زلم ملتحي لحية خفيفة وياه زوجته لابسه حجاب وعباية
صعدو بالورى اثنينهم وفد شوية اجة افندي لابس قاط وربطة وكاشخ كل قوتة
وزوجته همين لابسة احسن ما بالكنتور وشعرها ميشته ولابسة على الموديل جنه من ذني اليطلعن بالتلفزيون وجنهم عرسان جدد كعدت زوجة الافندي يم ز وجة اخونا المتدين
ورى 0000
حركت ومشينه اول ما طلعت السيارة صلى الاخ المتدين على النبي واهل بيته وردينه وراه الصلاة 000
بعد مسافة بده الحديث عن مواضيع هواي حتى وصلنه للتطور كال الاخ الافندي يمعود احنه وين والاعلم وين احنه بعدنه بالرجعية والتخلف ماكو حرية وين حرية التعبير وين حرية المراة 000
جاوبه الاخ المتدين والله الحضارة موجودة ودينا الاسلامي دين حضاري وقانون كامل لان صدر من الكمال 000
كاله يا اخي الدين يسر مو عسر 00 لو انتم المتينين لو تسهلوه شوية
ضحكنا وضحك الاخ المتدين وكال يعني شلون نسهله مثلا الغرب منطين حرية للمراة واني اعتذر من اخواتي الكاعدات حرية تؤدي الى الانحراف والخطا ومسوين المراة سلعة
كله الاخ الافندي يا اخي احنه ماكلنه هيج احنه نكول شنو هل الاصرار على الحجاب مثلا
ومقيدين المرة بملابس اسلامية تسمونها وعباية شوية على كيفكم وياه يعني تسمحلي شوف الاخت زوجتك شلابسه وشوف زوجتي شلابسه بالله متكلي شنو الفرق وضحك
ابتسم الاخ المتدين وقال تسمحلي اجاوبك بس لتزعل واني اعتذر الك وللاخت ليكدام
كله لا استاذ كول اني رجل متحضر اتقبل النقاش وزوجتي مثلي متحضرة وتتقبل النقاش
كاله احسنت 000
اساتذي اني اعتبر حواري وياك مثل حوار سواق اثنين سائق تكسي وسائق خصوصي
جاوبه هاي شلون 000
كله المتدين اني زوجتي خصوصي زينته لزوجه وتلبس لزوجة
اما حضرتك فزوجتك عمومي تلبس للناس وتزين للناس حتى يباوعون عليه
لان هذا اللبس وهذا المكياج يجلب انتباه الناس 0000
بعد هل عبارة دلغم اخونا واختنا دارت وجه على الجامه
وصارت سكته الى ان وصلنا 000
من نزلنا تقدم المتدين على اخونا الافندي واعتذر منه 000
كله اخويه اني اعتذر بس اني ردت اوصلك الفكرة وانت بكيفك واعتذر مرة ثانية
وفي امان الله
رد مع اقتباس
