هنا

[ارجع يازمان]

الكل دمعه أكو قانون*
**
عركه ادموعي ويه العين ** زين الهسه عندي اعيون,,
ما صحتلي راحة بال,,
أثاري الراحه للمجنون!
امتاني الأدري بي ميعود ..حتى ايسكت اليحجون!!
اشلون انفارك المأسات
اذا صار الفرح مرهون!!
.
أطرد بالحلم فزات
حتى ابطيفي اضل مركون,
.
وأقشمر روحي بحجايات,,
يمكن يكعد المدفون!
.
كلي اشتنفع الضحكات,,
الوجه املثم ومديون!!
مدري اشلون..
وَدعت البحر دمعات
اثاري البحر ما مضمون!
.
ياخذ دمعي بالروجات
ويغير عليه اللون!
.
باجر أغبش ابغربيل
النوارس باجر ايشهدون
.
وبغربيلي اطلع ادموع
طاحن من اليودعون,,,
.
ياناس الدموع انواع
ولكل دمعه أكو قانون
.
أكو مثل الملح دمعات
ينطن حوبه للماعون,
​.
وأكو دمعة فرح مرات
بيها الوادم ايهنون!!
.
وأكو دمعة ظلم مكبوت
تلكاها ابجمر مسجون!
.
وأكو دمعه ابجفن مبخوت
اذا طاحت ترج الكون,,
.
ودمعه ثابته التمساح
المن يبجي ؟ ما يدرون!!
.
كون الدمع ما ينشاف
وأبجي اكبال اليكرهون,
.
لأكن انه أضل خواف
أخافن أبجي ويضحكون!
.
ومو كل الدمع ينعاف
ولا كل الدموع اتهون!
.
ضملك دمعه صوره وصوت
تحجي بالحجي الموزون,,
.
خليها السواجي الموت
حتى اتواسي اليعزون!!
بيها اتواسي اليعزون,,
.
حسين االساعدي

[عبير الياسمين]

.
ياناس الدموع انواع
ولكل دمعه أكو قانون
.
أكو مثل الملح دمعات
ينطن حوبه للماعون,
​.
وأكو دمعة فرح مرات
بيها الوادم ايهنون!!
.
وأكو دمعة ظلم مكبوت
تلكاها ابجمر مسجون!
.
وأكو دمعه ابجفن مبخوت
اذا طاحت ترج الكون,,
.
ودمعه ثابته التمساح
المن يبجي ؟ ما يدرون!!
.
كون الدمع ما ينشاف
وأبجي اكبال اليكرهون,
.
لأكن انه أضل خواف
أخافن أبجي ويضحكون!

شعر حلو جداااا عاشت الايادي