صعب يستوعبون البينك بينــي
على فكرة فراگك دمعتّ عينــي
گالوا عوفه ما اتخيلك تنعــاف
الله بهيچ موقف لا يخلينــي
افك عيني الصبح ماكو صباح الخيــر
اعله نفسك دير بالك ماتوصينــي
أدوّر بالرسايل بالقديم الگاك
واشوف اسماء صعدت ولا تعنينــي
يا أول بشر ما ملته اسنينــي
انعدتّ وتكررتّ ماصرت روتينـــي
أحس كل القصايد إلك مكتوبات
والآمس روحك بكلّ صوت سبعينــي
من تمشي السوالف لازم اتمر بيك
أسدها العلى عيونك ماتودينــي
شيحرك الساعة وانتَ ماموجود
حرفيًا الــدنيــا اتظلّم ابعينــي
أنا ويهَ الهوهَ اتنفسك ثارينــي
گالوا عوفهَ گامت روحي تلوينــي
يالمنطيني دنيا بنفسي ماخليت
غيرك من يجي شيريد ينطينــي!
كتابه // zahraa
رد مع اقتباس
المشاركة الأصلية كتبت بواسطة الرميثي
