أحياناً مشاعرنا
توهمنه بمشاعر ناس
يخطون بأسامينه
نجيهم روحنه تزخ شوگ
نرجع مادري شبينه
من ملگاهم البارد
نحچي وبالهم شارد
هاي اللحظة بيها انشوف
كلشي من طرف واحد
بس نتدارك الموقف
ونلملم بقايانه
نَفس يثگلّ نبض صاعد
مشكلة المشاعر هاي
مابيها الخطأ وارّد
غلطة مُمكن اتذلنه
من نشغل نفسنه بناس
لكن هُمه مو إلنه
يجيهم يوم بي يرحون
وكل العدنه تبقى عيون
بيها دموع مفضوحه
تحضن نظرة مذبوحه
وبهذا الوقت ننلام
مو إلا النحبه يكون
گوه اچفوفنهَ اتلوحه
ذاك امبين البي شوگ
من يشتاگلك وتغيب
تلگه ابابكم روحه
أحياناً مشاعرنا
تهوى النتعب ابگربه
وتاخذنه المُجرّد ناس
يمهم نشعر ابغربه
إحساس التجي مشتاگ
لكن بـالـه مو وياك
وصعبة الواحد ايجربه
الحل الأخير يكون
كلمن يرحل بدربه
بدون أصوات
مُرّ اموادع النظرات
من يبرد بينا الشوگ
توگع ورقة بيها أبيات
مشكلتي من أشوفك مو بالعيون
أحسك إنتَ نشوّة واهسي اتكـون
وأذكرك من أبشر روحي ناسيك
وأعطشك من أگول فراگك ايهـون
_____________________
المبدع : إيهاب المالكي
كِتابة : Zahraa
رد مع اقتباس
المشاركة الأصلية كتبت بواسطة sawsanmahmoud
