ابوداعك بچيتك خليت عيوني بعيناك
ياخويه وكل ذكرى وياك بعينك شفتها
يخويه گلتلك حدك ويه زينب لهنا
وجهك ما احمل فرگاه بروحي جرعته
من قدمت ليك المهر
يم جدمك اتبده الصبر
گتلك غريبة اختك تصير بهذا فرگاك
محد يباري مخيمي
خويه وضعنه الهاشمي
يدور الوكت بي واجنبي يصير أسمه بجفاك
( بس افارگ عينك تبدي غُربة عيني
والهضم يسبيني والبعد يكسرني
أرحم عيون أختك دمع ماظل بيها
والحزن ماليها لا تچمل حزني )
يا أخير اخواني البقه بهاي اخيامي
هم اخو هم حامي هم كفيل اضعوني
فرااگ وجهك يعني طلعة بين الغربه
هاي كلش صعبة يالولي تهضمني
عيونك حچتلي كل الصار اعليه ايمر
وأولهن من ضعني ايفر بالغاضريه
دمعتي ودمعتك من طاحن رسملي التل
وردتك تنطي لأختك حل يبن الزچيه
بس ماحچيت ودنگت اتقربلك وتحيرت
گتلك تگوم ابساعة الاصرخ ادرك اختك
گتلك الي ذاك الوكت ميت يزينب يالأخت
خويه وشهگت من إسمعت چلمه غربتك
ياغربتي بدونك لو طحت يبن أمي
كربله يفز همي يالولي واتحير
بس تطيح اچفوفك الجيش كله ابختك
يركض اعله العيله وانتَ خويه اتصور
من يباري اعيالك والتهي بيا خيمه
ياطفل بالهيمه وعالركض ما أگدر
خوف هذا الوادي والتهدني اچفوفه
وين عيني اتشوفه اظلم ايصير البر
التفتلي يضامي وانطيني ابفرگاك الراي
وين امشي بدونك يحماي والدنيه غربه
يخويه وركبتي دنيه اطفال ودنيه خيام
من يبره الهاي الايتام ياخويه صعبه
الحگ طفل وافگد طفل لوگربت خيل اتصهل
صوب المخيم واحترگ صيوان خدري
اليا صفحه يبن امي التفت
يرايح انا تحيرت مابينك وبين الهضم خيمات ستري
واركضت عطشانه مالي حيل الغربه
تريد حيل وانا حيل ماظل بيه
تعبتني جروحي يالولي وفگد اهلي
كسر شوفي وظلي كلشي ماظل بيه
خايفه ومهضومه راح عِز اخيامي
ضيعتني ايامي من الهجر مچويه
خدري ماظلّ خدري
لوني ماظل لوني
يَهلّي من عفتوني
دار وكتي اعليه ....
______
كلمات الشاعر : عبـاس الشبـلاوي
كتابة : zahra
MP3
رد مع اقتباس
المشاركة الأصلية كتبت بواسطة تشيللو
