هنا

[بحار تائه]

شلونكم دررنا الطيبين

طبعا اني عضوة قديمة هنا
جنت اشارك وياكم فترة وانكطعت
وما اتوقع احد يعرفني
وجنت هواي اشارك بهذا القسم بالردود
وسبحان الله اليوم صارتلي مشكلة ونزلت موضوع واريد مساعدتكم ونصائحكم


قبل سنتين ارتبطت بشخص بعلاقة حب
السالفة جبيرة تفاصيلها بس راح اختصرلكم مشكلتي

جابلي ناركيلة الكترونية
وطلب مني يومية افتحلة كامرة وادخن كدامة
استمريت فترة جدا طويلة ادخن ناركيلة
رغم اتخبل منها بس ادمنت عليها
بحيث باليوم ادخن ٦ مرات
كل مرة ابقى نص ساعة ادخن

تخاربنا اني وياه وهو راح بصفحة واني بصفحة
وبقيت اشتري معسلات وادخن
الى ان امي درت بية واختي
وصرت ادخن بغرفتي بشراهة
وهسة تقدملي شخص خلوق ومحافظ وابن عائلة واهلي موافقين واني موافقة

بس بقت شغلة الناركيلة شلون اواجه الجاي يخطبني بيها
وجاي امر بضرف عصيب
وشكد حاولت اتركها او اقلل منها ماكدرت


الله يخليكم انصحوني شسوي

راح اتابع ردودكم بدون تنمر
لأن وضعي كارثي

[ذهب]

عضوة
شلون نزلت ببحار تائه

[ذهب]

على كلا
بما انچ مدمنه تدخين
فتگدرين تدريجي تقطعينه
شيلي كل الادوات اللي تذكرج بالتدخين من گدامج
تجهالي كل الاشخاص المدخنين اللي تابعينهم
الغي اشتراك كل البيجات اللي تبيع ارگيله
اي شي ممكن تشوفيه ويذكرج بالتدخين حاولي تتخلصين منه
من تفكرين بالتدخين روحي لاشياء العناية الشخصية واعتني بنفسجي
أو تعلمي ميكاب لزوجج المستقبلي
أو تعلمي طبخ او اي شي جديد ابهري بي زوجج
وهكذا

[المستشار القانوني]

نعم كما كان أدمانك عليها تدريجي...فلتكن لديك عزيمة وأصرار على تركها بالتدريج...
للعلم أضرار السيجائر الإلكترونية أضعاف أضعاف أضرار السيجارة أو النرگيله العادية..
نتمنى لك الانتصار بمعركة الإرادة ونبذ هذه العادة السيئة المضرة...مع التقدير.

[مؤرفين 'ۦ ']

اكو علكه نيكوتين استخدمي ٤ملجم راح تنسين شي اسمه تدخين

[احمد العثمانيے]

عضوة
شلون نزلت ببحار تائه

خطأ بمعلومات العضوية.

[pharmacist]

ترا من الاول ما يحبج فلا تكولين علاقة حب ...المهم عزيزتي شكد ما بيج العبي رياضة والتزمي بنشاط واتركي تفكيرج بيها وانشغلي واول فترة قطعيها تدريجي ..ولا تثقين ب احد بعد