المشاركة الأصلية كتبت بواسطة سلا الليل
حكم أكل لحم الأرنب هو الحرمة
بس ليش الله حرَّمه؟
هذا علمه عند الله سبحانه
أكو هواية أحكام شرعية احنا ما نعرف بالضبط شنو سببها
بس اللي نعرفه إن الله ما يحرم شي إلا إذا بيه مفسدة كبيرة
مثل ما يفرض شي إلا إذا بيه فائدة عظيمة
أحكام الله كلها مبنية على مصالح ومفاسد
ومو كل عقل بشري يكدر يستوعبها
يعني، عدنا عقولنا محدودة وممكن نشوف جزء من الأسباب
بس أكو أسباب ثانية تخفى علينا إحنا
بما إنه آمنا بالله وحكمته المطلقة وعلمه بكل شي
فنسلِّم لأحكامه
أما سبب حرمة أكل الأرنب
فالروايات تكول إن الأرنب من "المسوخ"
يعني أكو حيوانات مسخ الله بعض الناس العاصين على شكلها قبل زمن طويل
مثل القرد والخنزير والفيل والدب والخفاش والعقرب والارنب وغيرهم
الروايات تذكر إن الله عاقب بعض الناس العاصين بمسخهم على هاي الأشكال ثم أماتهم
وحتّى القرآن يذكر إن بعض بني إسرائيل لما عصوا الله
مسخهم لقردة
مثل ما يقول بالآية
"ولقد علمتم الذين اعتدوا منكم في السبت فقلنا لهم كونوا قردة خاسئين"
فالمسوخ هم حيوانات صارت بسبب عقوبة إلهية
والروايات تقول إن كل حيوان مسخ الله أحد العاصين على صورته
فهذا الحيوان يصير محرَّم الأكل
أما الكلام عن إنه الأرنب محرّم لأنه يحيض
فهذا مو صحيح
الروايات ما ذكرت هالشي
لكن الروايات تكول إنه كانت أكو امرأة تخون زوجها وما كانت تغتسل من الحيض
فمسخها الله على شكل أرنب
فقهاء الشيعة الإمامية اتفقوا على حرمة أكل لحم الأرنب
والسبب هو الأحاديث الكثيرة المنقولة عن أئمة أهل البيت (عليهم السلام)
اللي تشير إلى أن الأرنب من الحيوانات اللي مسخها الله
وبالإضافة لهذا
من جملة هاي الاحاديث من أئمة أهل البيت (عليهم السلام) توضح حرمة أكل لحوم الممسوخات
وهذا اللي خلّى فقهاء الشيعة يجمعون على حرمة أكل لحم الأرنب
هسه نذكر بعض الأحاديث بهذا الخصوص مع المصدر:
(وترى تعبت)
الإمام علي بن أبي طالب (عليه السلام) سأل النبي محمد (صلى الله عليه وآله) عن الممسوخات
فجاوبه النبي:
"هم ثلاثة عشر: الفيل، الدب، الخنزير، القرد، الجرّيث، الضب، الوطواط، الدعموص، العقرب، العنكبوت، الأرنب ..." (وسائل الشيعة: 16 / 317)
عن علي بن جعفر، عن أخيه الإمام موسى بن جعفر (عليهما السلام): "نفس الحديث"
وقال عن الأرنب: كانت امرأة قذرة، ما تغتسل لا من الحيض ولا من الجنابة (وسائل الشيعة: 16 / 317)
وقال الإمام جعفر بن محمد الصادق (عليه السلام): "الله ورسوله حرّموا الممسوخات كلها" (الكافي: 6 / 247)
يعني، أكل لحم الأرنب حسب الروايات وإجماع فقهاء الشيعة الإمامية حرام
وبالنسبة لـ وين لكينه الروايات والرويات فـ
هولاكو غزا بغداد سنة 1258
(غزا بغداد يعني حدوده جانت العراق بس مو العالم كله)
فـ النسخ من الكتب والمخطوطات انتشرت في دول ثانية
مثل الأندلس ومصر والشام وبلاد فارس
كانوا هم اللي حافظوا على الكثير من المعرفة اللي كانت موجودة
يعني بشكل عام
الغزو كان مأساوي بس الحِكمة والمعرفة ما انمحوا بل انتقلوا لدول ثانية
هذا خلصنا منه هسه نجي لتناقضك
بالحديث مال الافتاء بغير علم
عقبت على حديث الامام الباقر
وتجاهلت حديث النبي المشابه
مع انه نفسه تقريبا
ليش ياترى
لان مُتفق عليه؟
ومن البداية مشكلتك ياعزيزي كلتها
"اخاف حرام"
كلنالك حرام اجيت تكول شنو الدليل
انا تعبت وعلي
اذا بعدك ما مقتنع تكدر تروح لمكتب السيد السيستاني بالنجف
ونقطة انتهى.
وصح نسيت حكمك
انت ماعليك شي لان جنت جاهل بحكم اكله
فلا اثم عليك.
فقار كل الحب حجي
ااااخ اصابيعي
خرب يومي
رد مع اقتباس
.وشكرا 
