هنا

[فقار الكرخي]

السلام عليكم

البارحة عزمني صديق على طلعة
اخذنة منقلة وفحم وشياش
وباقي الامور وكعدنا عالشط نشوي

الولد نزل قفص بي ارانب
كتلة شنو هذني
كال خوية اليوم عازمكم على لحم ارانب مشوي

ذبح ٥ ارانب وكطعهن وملحهن
وشيشهن وخلاهن عالمنقلة

الصراحة اني قبل ماماكل هيج لحم
كال ضوكة اذا ماعجبك عاتبني

اشو من استون ضكت اللحم طيب



المهم خلصت الكعدة ورجع للبيت وكلت للحجية اليوم فاتج اللحم مال ارنب


ولك بس لا اكلت منه
ترة حرام وتبقى نكس ٤٠ يوم


دخلت على جماعة من اهل الدين
ناس تكول حلال وناس تكول حرام


ودخت بالموضوع خاف ارتكبت اثم

العندة معلومة ينورنا




اكلت تقريبا ارنبين

[ضحـى]

ودخت بالموضوع خاف ارتكبت اثم






اكلت تقريبا ارنبين

لوماكل واحد عادي
بس 2 بيها اشكال

[فقار الكرخي]

لوماكل واحد عادي
بس 2 بيها اشكال

الثاني اكلت بس كراعينة

[المستشار القانوني]

خوية لحم الأرنب حرام ..
وتوجد فتاوى واضحة بهذا الخصوص اذا تريد انقلك نصوصها..



أما عند أخواننا السنة حلال ..

[فقار الكرخي]

اكيد الوالده عده وجهة نظر
انت شتگول
خلص الدجاج والفسيفس من المكان اللي انتوا بي ورحتوا عالارانب
بس السؤال أنتم وين لگيتوا الأرانب ودنت نفسكم عليهن

والله ياعصير ملينة من الدجاج
واني اصلا ما احب الدجاج
والدكتور منعني من اللحوم الحمراء

وهذا صديقي مشتريهن من سوك الغزل

وراد يصير غير تقليدي

هس هو حلال لو حرام

[ضحـى]

شوف انا درست حوزة لفترة وعلى حد علمي حرام

[ضحـى]

الثاني اكلت بس كراعينة

مجرد التفكير بالموضوع
لعبان نفسي
استغفر الله

[فقار الكرخي]

خوية لحم الأرنب حرام ..
وتوجد فتاوى واضحة بهذا الخصوص اذا تريد انقلك نصوصها..



أما عند أخواننا السنة حلال ..

صدك جذب
حرام ؟ يعني حاله حال العرك

زين اني ما ادري بي حرام واكلتة

[فقار الكرخي]

شوف انا درست حوزة لفترة وعلى حد علمي حرام

زين ليش حرام
لعد شنو فائدتة الله خالقة
حاطة كمين شنو

[فقار الكرخي]

ع أساس انت تهتم للحلال والحرام
وليكن حرام انت بعد اكلتهن
بالعافية

لا ما اهتم
بس خاف اتمرض