هنا

[Muntader]

مرحبا

هاي صار لليوم الثالث نفس المشكلة تواجهني بمتصفح الكوكل كروم

من افتحهه تطلعلي هاي المشكلة

شوفوها



ارور وانوب يطلب غلق المتصفح واعادة تشغيله..اغلقه واعيد فتحه او تشغيله وميفيد

مسحته ونزلته ومن جديد ومافاد

شنو الحل اذا؟

[صفاء الواسطي]

منتظر نفس حالتي بالضبط .. ومااعرف شنو الحل !! اتمنى الاخوان يساعدوك

[نـــائل]

السلام عليكم

اعتقد سبب هذا الخلل هو توقيعك الي يشبه شعار كوكل بالالوان ، ترة ميرضون هيج تسوي ويعطلون كل برامجك واحد ورة اللخ.


طبعا ما اكدر اعرف شنو المشكلة ، لان احتمال خلل في النظام واحتمال خلل بالبرنامج
بما انو انتة لغيت تنصيب البرنامج ونصبتة من جديد ونفس المشكلة اذن الاحتمال بالوندوز

عندي اقتراح
ويجوز الحل بيه
اولا نصب برنامج
ادخل هذا الموضوع للاخ اوراكل
Your Uninstaller! 2008 PRO 6.2.1347

بعد تحميل البرنامج او ان يكون البرنامج موجود عندك بأحد الديفيديات الي بالبيت
الغي تنصيب الكروم من خلال البرنامج
وبعدين نصب الكروم اذا المشكلة نفسهة ، فأعتقد السالفة يم الوندوز
حاول تسوي مستخدم جديد وتنصب البرنامج من خلاله
او تكدر تسوي استرجاع الوندوز الى وقت ماقبل المشكلة

جرب الي تكدر عليه وان شاء الله تحل المشكلة

مع العلم ان متصفح فايرفوكس هو الافضل

اتمنى ان تكون مستفيد من هذا الحجي

[Muntader]

تسلم نائل على الشرح الرائع

وراح اجرب اللي كتلي بي

رحمه الله والديك

[spyman]

هواي اكو اسباب لهذا الخطأ , قد يكون بسبب فايروس واغلب حالات ظهور هذه الرسالة بسبب فايروسات temp2.exe وفايروس

newfolder.exe و auto run.exe هذنا يشلن حركة الحاسبة ويوهمن البروسسر باشياء ما موجودة , لذلك رح يكون عليه حمل زايد ,

ترى الفايروسات تتناسخ وتتكاثر وتختفي تلقائياً هي مبرمجة على هذا الاساس

والاحتمال الثاني من النظام يجوز , اذا كنت تستخدم سفن افتح البرنامج من خلال ( زر ايمن ثم اختار رن ادمنستور ) ,او نصب غير اصدار من البرنامج

يمكن صايرة عندك مشكلة اثناء تنصيب النظام او تنصيب البرنامج

يعني هاي المشكلة عامة وصعب تحديده من خلال صورة فقط

[Samer]

اني منصب الكروم على الويندوز 7 و الامور ممتازة

باوع .. انته جربت تسوي حذف و اعادة تنصيب من جديد .. بس اني اريد تسوي اعادة تنصيب لاخر نسخة تنزلها من موقع كوكل (يعني مو تجيبلياها من قرص مدري شنو)

روح على الرابط .. و نزل اخر اصدار .. تفضل

http://www.google.com/chrome



هذه نقطة

نقطة اخرى .. محتمل المشكلة بسبب احد الاضافات للكوكل الكروم

إذا تكللي انته ما منصب اضافات .. اكللك.. اكو اضافات تتنصب تلقائيا .. مثل الفلاش .. و إذا عندك مشكلة بالفلاش ..راح يسببلك مشكلة بالمتصفح اللي تستخدمه

جرب تنزل اخر فلاش .. روح على هذا الرابط:

http://www.dorar-aliraq.net/showthread.php?t=5667

طبعا الموجود بالموضوع مو اخر نسخة .. بس هو ممتاز .. و هو يبدي يحدث نفسه بصورة تلقائية

تحياتي

[Muntader]

هواي اكو اسباب لهذا الخطأ , قد يكون بسبب فايروس واغلب حالات ظهور هذه الرسالة بسبب فايروسات temp2.exe وفايروس

newfolder.exe و auto run.exe هذنا يشلن حركة الحاسبة ويوهمن البروسسر باشياء ما موجودة , لذلك رح يكون عليه حمل زايد ,

ترى الفايروسات تتناسخ وتتكاثر وتختفي تلقائياً هي مبرمجة على هذا الاساس

والاحتمال الثاني من النظام يجوز , اذا كنت تستخدم سفن افتح البرنامج من خلال ( زر ايمن ثم اختار رن ادمنستور ) ,او نصب غير اصدار من البرنامج

يمكن صايرة عندك مشكلة اثناء تنصيب النظام او تنصيب البرنامج

يعني هاي المشكلة عامة وصعب تحديده من خلال صورة فقط

مشكور سباي مان على الملاحظات واحتمال اني عندي فايروسات متكاثره وصايره عندي عشيرة ال فايروس بلابتوبي ههههههههه

واني نظامي اكسبي مو السفن

شكرا مره اخرى

[امير النحل]

شكري للجميع