هنا

[سمراء من قوم عيسى]

غابوا وره رموش النخل وانطبك ليل الكحله....
فشلة من اهدن وحدي..وانه النهر فازعله...
ردت سبوس من العمر رديت لا يالفشله..
جا ليش اموتن من وكت يم دمع ما حاسبله
...
اتشفه يا جف الهوه بخدود شمعه اتشفه...
ذيج العيون الغربت شالت ايامي الكلفه....
بالكوه اضم مناشغي بس الجفن ما وفه....
رجفت شراع بلا وعد سيرت فوك الشفه..
..
ما لحكت عالمستحه وما اجه ابالي الفدوه ...
ما نايم و ريل الحلم صعدني ليكم كوه....
سباحي سافر بالرمل بس مايكم ماهوه..
شمتانيه جفوفي بعد ما سلمت عاليسوه...
...
وين ادك روحي بيا شمس وانسه البروده بيه...
ليش اسد كلبي من العصر ..ما كمت اخاف عليه...
شمسوي غيمي بلا مطر...ما جفلت فختيه...
لو ظال من عدكم عطر صليت عالجفيه....
....
ليش الكلوب التنحجي ..تخسر بضحكة فضه...
كلما تلم ماي الفرح ...بيهه الحزن يتوضه...
بسمار حظ اعله الصور.. ردنه وطلع ما يرضه...
لو ادري مبيوع الحلم..جان الجفن ما اغمضه...

.....



عمار التميمي

[❥ اوليڤَيــــــا✿┊❥]

تسلمين عمري