كلمات قصيدة القاب أمير المؤمنين ـ سيد امجد الحسيني ـ عند المسيح اجمل لقب باريا
اسرائيلك علي يعگوب الولي
يوحيله العلي بأنبائك
رهبان اليهود همه اكبر شهود
معبدهم ينود بسمائك
.
ايليا بدين اليهودية انعرف ايليا
مرحبهم گباله رجف ايليا
وموسى انتخه بأرض النجف ايليا
.
يعرفونك ايليا يسمونك
موسى ضل مديونك علي علي
بالبحر دليته بعصتك شگيته
وعالجرف لاگيته علي علي
.
مولاي يا علي
.
عيسى شگد عبد بمعروفك شهد
وانت من المهد ونطقته
كل اهل الصليب يدرونك مجيب
واسمك يالحبيب شاكرته
.
باريا عند المسيح اجمل لقب باريا
النزل على مريم رطب باريا
وبأنجيلهم علي انكتب باريا
.
يا هيبه بالكنائس هيبه
اسمك وترتيبه علي علي
مريم العذريه انطيتها البرحيه
والهوى البالريه علي علي
.
مولاي يا علي
.
احكام الزبور بيها اجمل سطور
وحروفك تنور بوراقه
داوود العظيم غالب كل رجيم
چي بسمك يهيم يشتاقه
.
اريا النبي داوود اشنطق اريا
ويصيح لو حس بقلق اريا
بكتابه ضل يقره وعشگ اريا
.
هذا انت ماكو شي شابهته
انت تشبه انت علي علي
الرسل تتباها علماهم طاها
بالشدد ذكراها علي علي
.
مولاي يا علي
.
ذكرك من يمر عدنه اجمل ذكر
بكلهن نفتخر يم بابك
يقرءان العلي محلى اسمك علي
حلوات وعلي القابك
.
حيدر عند امه چان احلى اسم حيدر
من ابني نادت والنعم حيدر
اتلوليله بأسمه وتبتسم حيدر
.
ابو طالب لقبك بالغالب
سيف الله الضارب علي علي
وام حسن اتنادي علي ياابو اولادي
روح ابوي الهادي علي علي
.
مولاي يا علي
كلمات/ مرتضى عبدالامير
رد مع اقتباس
