كلمات : محمود الموسوي
تميل الگاع خلاها بعَساكرها
السبعه اتصيح هذا الطاب حيدرها
هاي الگاع تتراجف بأهاليهه
حيدر طاب نيزك حول اعليهه
الخيل اسروجها التفت برجليهه
تركض خيل بس فرسان مابيهه
الناس اتصيح عالناي حيدر طب لو عباس
عزرائيل حضر ليها دفترهه
تميل الگاع خلاها بعَساكرها
السبعه اتصيح هذا الطاب حيدرها
شد وشهاب ترجم بالوغى اعلومه
اصفوف الگوم چنهه ابيوت مهجومه
حيدر من يطب تتراكض الحومه
ثاري الجيش شارد ذاب اهدومه
اليشرد من الكرار يتلاگه بذو الفقار
اسيوف اثنين والخياله طشرهه
تميل الگاع خلاها بعَساكرها
السبعه اتصيح هذا الطاب حيدرها
مطشرين خوف وترسو البيده
ما يدرون ما يخطي الصگر صيده
العدهه اطول ما تدري الحرب عيده
صم تراب طشرها الزلم بيده
سيفه مأشر اثنين بي عباس وحسين
حسين يصول والعباس يخزرها
تميل الگاع خلاها بعَساكرها
السبعه اتصيح هذا الطاب حيدرها
غار ودتر طوگ للمعركه ارحاهه
و عزرائيل ضل يحوم فوگاهه
اجيوش مرتبه وخربط سراياهه
هاشم هاي لا تتگابل وياهه
ذوله الساده الشجعان ما ينطون الميدان
الشلعو باب والشلعو گناطرهه
تميل الگاع خلاها بعَساكرها
السبعه اتصيح هذا الطاب حيدرها
طشو رسوهه وتاه العدد شوفه
وادم صاحيه وموتتهم الخوفه
او وادم شارده ووجوه مخطوفه
كضو كربله شمروهه عالكوفه
طگت سيف ابو حسين تسبگ رمشت العين
روس الخيل نزلت يم حوافرهه
تميل الگاع خلاها بعَساكرها
السبعه اتصيح هذا الطاب حيدرها
رد مع اقتباس