ابوذيات منوعة 6

ابترافه حسنك احساسك. شهد بيك
طعم شفتك لون ضكته ...شهد بيك
حرت شلزم شكضن منك...شهد بيك
لكيتك والخصر ذابن بدية

لبس حلها على حلها ..وحلها
سعيد الكض كصايبها وحلها
زغار كبار تحسدها وحلها
وصايف للبدر لو هل علية

مسحت الدمع باليمنه ووحنت
ذكرته وضجت ضلوعي وحنت
الناگه تعلمت مني وحنت
مثل گلبي گلبهه انصدع هية

كلبي موملك لحد سوالك
تجرحه ليش وتعذبه سوالك
عليه ماتجي وتسال سؤالك
عالواشي القره براسك علية

حرت لا وين وجهي ووين مگفاي
على الخله دموع العين مگفاي
يگلبي لو احط الترف مگفاي
للمعشر ولا يصعب علية