ابوذيات منوعة 5

احبك ومااحب غيرك ولك حس
گلبي ماشبع منك ولك حس
بكنوز الدنيا مابدلك ولك حس
واضل اهواك لاخر نفس بية

ترف يامن عيونك ولعني
الحزن من يوم شفتك وله عني
ناس الحجت عنك واله عني
تغار تريد مانكعد سوية

ندوخ احنه بدونك ياهوانة
ومن اشوفك مااعرف ياهو انة
كوكل اصيرن الك وياهو انة
دبليو دوت وادخل علية

مو عشرة تراها وياك طلعت
من كثر الجروح الروح طلعت
شفت مرة الشمس بالليل طلعت
اكول للناس ميصدكون بية

كبر همنه يصاحب شفتهمنة
نعيش وما كو واحد يفتهمنة
دكلولي احنه بعمرنه شفتهمنة
مغثه وقهر كل صبح ومسية