ابوذيات منوعة 3
غزل عينك رهن روحي وجرهه
وشعل نيران لبكلبي وجرهه
اريد ابوسك من شفتك وجرهه
حتى انقل هموم البيك اليه
اظل محتار من تنشر .. شردلك
وكلبي من البعد فر ..وشردلك
ردلي وشوف يمعود شردلك
اردلك روحي وهدومي العليه
اعاندهم لجل حبك والاسن
الكبر مايمنع اليعشك ولا السن
اظل اهواك لو ابقه و لا سن
احبك من ثدك غثبن عليه
تعال وشوف حبك موتلفني
واذاأقبل بهجرك موت لفني
قبل من جنت ابرد موتلفني
دلفني شبيك اني اكبر خطيه
- نحبه وماكعد وياه حظنه
وجني من الدفو حسيت حظنه
انه ماريد طمع بس ردت حظنه
بس من الحظنه شيفكه من اديه
هاك اشعل كلب كلبي و وجهاك
اعله حاله راح اعلمنك و اوجهاك
بشالك من تلف شعرك و وجهاك
تلف روحي مثل لف المنيه
لو ردت الحبيب تشوفه ينشاف
وطيبلك جرح بضماده ينشاف
أخبرك يالحبيب شلون ينشاف
بس ضيفي يمك وهاي هيه
عشرتك يالعفتني مانبيها
لأن صورة وصالك مانبيها
اريد اهديك روحي مانبيها
لأن ذكرك يسببلي الاذية
رد مع اقتباس