يا وجع قلبي عليك يا بني يا حتة مني يا سالم
فين روحي وفين قلبي يا ربي انت قدير عالم
خدوه مني في غمضه عين ومش عارف اروحله ده فين بعيد لا ده هنا في دمي
وساكن جوه روحي اه نايم
خدوه ورجعولي جثة حرام انا غيره مش عايزه الدنيا بعدك اكيد وحشه
من غيرك انت يا سالم
انا تعبانه مش قادره ده ليه في كل مكان ضحكة في لحظة في اقل من ثانية
تروح متجيش ليه يا سالم
يا وجع قلبي عليك يا بني يا حتة مني يا سالم
في طيبته فين تلاقوا زييه شهم وراجل من صغره لا خان عمره في يوم صاحبه
وعشان صاحبه ده مات راجل
حقه في رقبتي مش رايح لو حتى عمري كان رايح حبيبي يا عمري انا ماشي
وحقك يا سالم اكيد راجع
هتجي امتي لو في الحلم اشبع منك يا ورد يا فل ما روحت فجاءة وقلبي حزين
على القمر ده سيد الكل
انا تعبانه مش قادره ده ليه في كل مكان ضحكة في لحظة في اقل من ثانية
تروح متجيش ليه يا سالم
يا وجع قلبي عليك يا بني يا حتة مني يا سالم
بقلمي الشاعر محمد البهلوان يحظر نقل او نسخ العمل دون الاشارة للمصدر وصاحب الكلمات
رد مع اقتباس
المشاركة الأصلية كتبت بواسطة العيلامي
