هنا

[فقار الكرخي]

هنا يمن صم ذهب هديتني من ايدك
لو يستقر النفس جا كلت ماريدك

موسم خضاري بده
توه بده ونشفت مواعيدك

من تسمع تعودت عــ الفركه هز ايدك
شتريد اكلك كضت
وكلادة صغت العمر وتعلك بجيدك

اركض وانا المختنك
نسمات الم الهوى واعزل بالتفيدك

شفتك بصحرة ورد وتحزمتلك صبح
لميت كل الندة اليكسر تقاليدك

جا من شفتني طحت جا كلت مافيدك

انثر دموعي شذر
ودوسهن من تمر
واضحكلك بــ عيني
هو انة حتى الضحك بعدك يبجيني

شيطلع من ايدك هني
تكتلتني تحييني
لنارك ردتني حطب
كيفت ما صدكت

معقولة مهتم صدك وتريد تجويني

معقولة عندي جفن
هم حالي حال الدمع
لو زعل يجفيني

غيرك شتل ما شفت
يتشاهد بكل جرف ويخضر بطيني

رحال اتيه النجم وانت التدليني

وياك اضيع العمر بسكون تلكيني

يالشارد من الكلب
نبضة وخذاها العشك
فرها بشراييني

يابو اللكاط الصدك
مر خل اهزلك عمر
واكطفلك سنيني

مر يالعفت كلشي مر
بلكي الهوى من تمر ما يعثر بريتي







علي عمآد

[عليـﮯ آلبصـرآويـﮯ]

شكرا فقار

[فقار الكرخي]

ابو حسين الذهب