هنا

[Haidar Iraq]

السلام عليكم ..
___________________________

م/ اشماله فسوا الكبريت ..

___________________________

اشماله فسوا الكبريت
هَد وشَله إردانه

مو احنه شَعب تعبان
زمانه ابحزن خلانه

فوگاها الصقر
يحچي ويعيل ايگول
ماريدن ادخن كون سوزانه

يمعود دخيلك هَينَه عالتدخين
انبعاث الغاز خويه اهواي آذانه

المن ينبعث فهمني اترجاك ؟
شمحصلين ؟ شو جافتنه دنيانه

من احچي واسولف ليش ماترضون ؟
ماظَلت اعمار وكلها خلصانه

يردون الشعب يفطس ايروح ايموت
ويديحن شلع فد نوب نسوانه

شسولف والسوالف كلشي متفيد
لأن اعرف الشغله اهواي خربانه

عاااااا ..


13/10/2024

[زهرة اللوتــس]

ليش تظلمونهم .. تره هم يخافون علينا من الحرب واسرائيل فكالوا ندزهم لله


حلو حيدر عشت

[Haidar Iraq]

ليش تظلمونهم .. تره هم يخافون علينا من الحرب واسرائيل فكالوا ندزهم لله


حلو حيدر عشت

اي ، حريصين على الشعب ..
بطل حيلي ..

ههههه ..
نورتِ ..

[عليـﮯ آلبصـرآويـﮯ]

شعب جداا مسالم بحيث يشوف نفسه ينقتل عالبطيء وهو ساكت..

[Haidar Iraq]

شعب جداا مسالم بحيث يشوف نفسه ينقتل عالبطيء وهو ساكت..

انهد عليهم بالتفگ ..؟
مثل مانهد على سامر ..؟
شدگول ..؟

[صقر عراقي]

حيدر يمكن الوطن يدخن وجكارته هذا الانبوب
لازم انسوي موضوع نمنع بيه تدخين الاوطان .؟
تعجبني اشعارك الكوميدية يحفظك ربي ويعطيك الواهس للمزيد
من هذا الشعر الحلو

[عليـﮯ آلبصـرآويـﮯ]

انهد عليهم بالتفگ ..؟
مثل مانهد على سامر ..؟
شدگول ..؟

شنو يعني نهد وشنو تفگ ؟!

[Haidar Iraq]

حيدر يمكن الوطن يدخن وجكارته هذا الانبوب
لازم انسوي موضوع نمنع بيه تدخين الاوطان .؟
تعجبني اشعارك الكوميدية يحفظك ربي ويعطيك الواهس للمزيد
من هذا الشعر الحلو

اخوي الشعب گام ايدخن غاز ابشرك ..

نورت ..

[زهرة اللوتــس]

شنو يعني نهد وشنو تفگ ؟!

حيدر لا تصدگه .. امس شفته راجع من فصول وثارات

[Haidar Iraq]

شنو يعني نهد وشنو تفگ ؟!

انهد ، يعني نتعارك ..
والتفگ ، يعني مصياده ..