درت مگفاك عنّي ودار الغروب...
مو جسمي برحيلك گلبي مصيوب
چا ينعاف وحده الگلبه متعوب؟
تعرفوني حنین الفرگة چندوب....؟
حنين وماهم اهله اشلون يرتاح؟
يتخيّل هجرهم سيف ذبّاح
من رحتو صحت وگليبي هم صاح
تانوني اريد الگلبي سباح....
چا بس انا حلمي يخضّر اوداع
چا بس انا ارافگ دمعتي امتاع
اي ضاع العمر لمن رحت ضاع
وصفت بس للسهر أيامي تنباع....
بكل لحظة اموتن يخنگ البيت
ياهو الجاي انشدة هيچي ظليت
ردت ... أسمع خبر انا وتمنيت
رسالة! من العزيز ايگلّي رديت…
الميّت له عزيز وگلبــه مجـروح
خل ينسى عزيزه وللطف إيــروح
على الصاحت لَخَيها ابصوت مبحوح
وعلي كون إعله زينب تِطلَع الروح
ـــــــــــــــــــــــــ ـــــــــ
هسّه إعلـه زينب يحله الونين
مِثْــل أوحيْد و أهله گباله مَيْتين
يَـ عَيني من البواچي كـون تعمين
دمــع هـاي الليالي ايعـادل إسنيـن
د.حسين النجفي
Bz
رد مع اقتباس
