هنا

[آيمـيلُِـي ♪]

هايييي شنو بس لا تطلعي ديراوية

اتشرف والله

بس اني بغدادية أباً عن جد

[ايليتا]

انتي هم من الچنات الي يدكن براس الزلمة شكالت امك وشكال اخوك واختك لو عندج هل مبدأ الي ذكرتيه؟
جنت بالبدايات ..لكن من شفت وجودهم مهم بحياتنا غيرت فكرتي وصرت اني اتقرب الهم اكثر
كم مرة انظلمتي من زوجك وسكتي لخاطر اطفالج؟
مرتين لكن ماكان يقصد الاذية ... قرارات متسرعة بحكم الظرف المادي يحاول ان يحسنه واذا به يتسرع ويرجع يكول لو سامع كلامج لكن بعد فوات الاوان
ذكرتي انو زوجج سافر وين راح مثلا؟
هجرة لاوربا ورجع
شغل سفر سياحة
شغل

[ايليتا]

زوجك يعرف انتي بدرر العراق؟
اي نعم
شنو تستخدمي اكثر تطبيق ؟
واتساب بحكم كروبات المدارس
عندج سناب
اني جدا مقلة باستخدام الموبايل ...احب اتصفح بالدرر وقليل على الفيس اشوف شنو منشورات من اقاربي و اغلقه ما عندي هوس بالتطبيقات احس نفسي متخلفة بيهن

[ايليتا]

تعرفين تخبزين؟ وشكد حجم الكرصة

حاولوا وياي وما دبرتها لان ما ردت اتعلمها ابد
قبل جانن النسوان ينعجبن بالبنت النادرة ويخطبنها انتي شلون اجوكم وخطوبج عن معرفة بيكم لو بدون معرفة؟
صديقة امي وجيران بيت جدي

[وَتِــيـن ﮩ]

شون ضيفة لطيفة واحبها
متابعة

[ايليتا]

اكو فد عضوة هنا تقاتل على حقوق المراة ما تفهمينة شنو هل حقوق الي سالبها منكم الرجل الشرقي ؟

سلبنا ان نعيش حياتنا كأناث... ساحب نفسه وانطانا الحرية لدرجة صرنا عميدات ومديرات و حتى بالبيت الابناء يخافون من عندنا اكثر منهم

اكو عضوات بهل موضوع متخذات دور المشاهد
ويحبن يسمعن منج نص عن الحب الي تشعري بيه بداخلج وشنو الي يخليه مستمر رغم الظروف
وربما يتسائلن يمتة تضوج ايليتا وتبطل حب ؟
الحب بأختصار هو التنفس ...ممكن احد يعيش بدون هوى..اكيد لا
لكن الحب لمنو؟ والى من ؟ هنا الحديث يطول
الحب لكل من حولك .. حب الله حب النفس حب الخير حب النظافة حب العمل حب الصلاة حب التامل حب الناس حب الجيران حب الاصدقاء
الحب الي يقويك حب الام والاب..حب ابناءك..حب الصديق الصدوق
حب الزوج المخلص ..حب الحبيب الوفي ... مستحيل الحياة تكتمل بدون الحب
حب العلم ... حب الاعتناء بالنباتات..بالطيور ..بالحيوانات..كله هذا حب
الحب منظورك للحياة ...وكل هذا ينبع من حبك لنفسك
والاعمق من يشاركك كل هذوله في عكس محبتهم بداخلك
اذن انت عايش بحب ...الحب الي يقويك ميخليك تخسر نفسك ولا يقلل من قيمتك ولا يعيشك في ظلام توصل لمرحلة متعرف انت وين رايح وشلون ترجع نفس الشخص
الحب يقوي ميضعف الانسان... هذا الحب الحقيقي الي يخليك تمشي واثق الخطوات بحياتك والكل يتطلع الك ..وانت تتألق

بشنو يوحيلج رماد من ينشر غزل وهو متزوج؟
يوحي اليه ان متاثرة روح الشاعر بداخله وتنطق قصائد..هناك فرق كبير بين حياتنا الحقيقية ورؤية الشاعر
اني اعرف اجاوب نفسي بس خل اسمع منج
كنت اتهم بكتاباتي انها عن تجارب ... لا يعلمون ان الشاعر يتقمص ادوار ويكتب عنها بأفراط

[ايليتا]

منورة الكرسي عمري
الله يساعدج وي رماد
يمكن راح يتعشه ويجي يكمل اسئله

دزيتلهم دليفري بسلامة رماد

[ايليتا]

لا عيني روحي كملي غسل المواعين وسوي جاي
الليل طويل
بالمناسبة انتي تشربي شاي لو سوالف القهوة وكذا

خلصت شغلي من وكت ندورة فديتني
اني جماعة الشاي ...القهوة بس بن العميد احبه واخاف منه يسوي شقيقة عندي ..نسكافيه على اللمة احبها

[ايليتا]

ممنوع تجاوبي بس ايليتا تجاوب وحتى نعرف السر المكنون في نشر الحب علي نطاق الدرر

[رمـْـْْـْــــــــآڊ]

اتشرف والله

بس اني بغداديه أبن عن جد

يلا دام تحبي مرتضى حرب بيج عرج بصراوي