كلمات الشاعر :- علي عويز الشويلي
هله ياهيبة السادة
والوارث من اجداده صوله حيدريه
ترهب طبگت جفونه
صلى الله على عيونه هز الغاضريه
موت الاحمر … علي الاكبر
ياعلي
عرف تكليفه
عدد ميخيفه
جبل توصيفه
علي تعريفه
لمحمد اشبه الناس
ضربهم راس في راس
عوج بصدورهم طاس
شطر عادل شطرهم
صعب ميلوحه رماي
وأبد ماينلزم ماي
ذبحهم رايح وجاي
مثل حمزه سطرهم
علي الاكبر هو الاكبر
من عنده الوجود ازغر..ابو نفس الأبيه
يتعبون اليوصفونه
شال الطف على متونه.غيره هاشميه
اسد هزبر.. علي الاكبر
وجه رحماني
نبض رباني
نطق قرآني
رمح عدناني
نسر فوگ الزلم صار
تخير منهم إخيار
يلگط روس الاگبار
فلا ثنه ضربته..
الهرب من ضيم يمناه
يطيح ابنار يسراه
عقوبه حسين خلاه
لليخالف كلمته…
لو سولف اويحسينه
امدنگ مارفع عينه.. ربو عالقضيه
بيده السيف لو شاله
عيد ولازم اهلاله ..انواره بهيه
اصله كوثر… علي الاكبر
همم علويه
درر قدسية
سور مكيه
شدد مگضيه
شهب خاطفهم إبساع
اليضربه ايدفنه بالگاع
بسفينة والده اشراع
عرف موج الحقيقه…
دماء الهاشمي اتفور
شراسه مطرزه ابنور
گلايد سيفه إلنحور
أبو الطعنه الدقيقه
علي بالمعركه اعجوبه
محد يشبه اسلوبه… نفحه كوثرية
انيق ابكل تفاصيله
أشجع فارس إبجيله… زود الفاطميه
ويتبختر… .. علي الاكبر
سمة مربيته
دفو ابحنيته
رسل ناخيته
عرش حب صيته
جبرها اتصيح صوبين
دخيلك رجعه يحسين
نسينه المهرب امنين
فلا نحمل عذابه…
عليكم قالع البوب
والاكبر قالع اگلوب
جحيم من الله مصبوب
سقر وانفتح بابه…
مو بس فقط ذلاهم
باسو رجله خلاهم… اكبرنا الشفيه
اجه وانفضت الوادم
جايب راس ابن غانم.. للعتره هديه
ويتعذر… علي الاكبر
برز… مانادم
ضلع… من فاطم
بحر ..متلاطم
غضب ..انا قادم
بعقيدة اعله الزلم هاد
مخطط عرش وأبعاد
من اموت ايعيش سجاد
لان بيه إلامامه.…
أبونه بالخيم ضام
عليل ابرگبته إسلام
جمعه ابين الايام
وإله إتلوگ الزعامه….
شكرا ل الله خلاني
مضحي عن علي ثاني… منا للمنيه
اذا تكليفي ماحسمه
توگع شجره العصمه.. وتضيع القضيه
فاز وإنسر … علي الاكبر
رد مع اقتباس