هنا

[زهرة اللوتــس]

هلو درر

راح نسوي مثل المسابقة هنا للي متابعين مسلسل الجنة والنار

شنو تتوقعون احداث الحلقة الاخيرة باجر ؟!

وصاحب اقرب احتمال للصح هو اللي يفوز

والجائزة 50 نقطة تقييم


يله انطلقواااا سولفونا شنو تتوقعون يصير باجر

تنتهي التوقعات باجر بالليل الساعة بالتسعة

[آيمـيلُِـي ♪]

بسم الله


عاشت ايدج حبي باجر ان شاءالله اصفي بالي

[اسيرة افكاري]

صراحه مامتابعته
ان شاءلله اتابعه
الموفقيه للجميع

[EV ']

هلوو

هيه القصه مبينه وخصوصاً من حيدر حچه وي زينب وگاللها انو السيدة زينب عليها السلام چانت قوية وشلون قتلو اخوانها گدامها فـ.. الي فهمته من كلام حيدر انو ممكن يموت

فأتوقع باچر اصدقاء حيدر كلهم ينقتلون وحيدر همين ينقتل
وزينب تروح وي الخال ستار تواجه فرج بالمحكمه
وراح تنتصر على فرج
وهاهيه

بس غير اذا فرج انتصر انسد حسابه شلون محمد حنش سدو حسابه من مات حجي سامي

[هادي صالح الدراجي]

والله شفت بس حلقتين ودا احس عندي شغف للمتابعه حلو المسلسل

[وردة..]

هلا دعاء

جاني فضول لهالمسلسل
من كثر م تحكو عنه
بس سؤال هو مُخيف رعب يعني ولا عادي؟!

[حياتي البصرة]

هلو درر

راح نسوي مثل المسابقة هنا للي متابعين مسلسل الجنة والنار

شنو تتوقعون احداث الحلقة الاخيرة باجر ؟!

وصاحب اقرب احتمال للصح هو اللي يفوز

والجائزة 50 نقطة تقييم


يله انطلقواااا سولفونا شنو تتوقعون يصير باجر

تنتهي التوقعات باجر بالليل الساعة بالتسعة

هلا قلبي دعدوع
انا ممتابعتة لان متروس بجي واخاف ع دموعي بس جاي اشوف لقطات منة
احس عائلة هاشم كلها راح تموت ويضل بس يفرج هوة وعينة
بالتوفيق للكل

[❥ اوليڤَيــــــا✿┊❥]

هلا عمري.... صراحةً ممتابعته

نتابع التوقعات بالتوفيق

[زهرة اللوتــس]

هلو حبايبي

شكرا على توقعاتكم .. بالنسبة لي مدري ليش اختلف وي اغلب المتابعين واحس اليوم المخرج راح يسويلكم سبرايييز .. تعمد يخلي بعض الاحداث تتشابه وي مصائب اهل البيت عليهم السلام .. وعلى هالسالفة تكولون لازم حيدر وصحبانه كلهم يموتون ..

انه اكول ماراح يموتون لا حيدر ولا صحبانه راح ياخذون تسجيلات الكاميرا ويبرأون زينب
ووسام ضروري يموت وجواد ينسجن واخته مااعرف مصيرها بس بعد ماراح تبقى وي بيت هاشم .. وفرج لو يرجع حيدر يطرده من الناصرية لو ينقتل ..

والاكثرية راح تكون نهاية مفتوحة يعني بعض الشخصيات ماراح يوضحون نهايتهم شنو :)

[آيمـيلُِـي ♪]

ابداً مو متفائله
والنهايه راح تكون لصالح بيت هاشم
بس للأسف ما يبقى من بيت هاشم بس الأحفاد وزينب و وفاء
ويطردون فرج من الناصريه
حتى عماد يموت

والي راح يبرأ زينب مهدي
يجي جايب التسجيلات بس يلگاهم مقتولين