اذا ثوب اليالي السود يگدر ينكر الاقمار
اذا ليلك يصير انهار اذا موج البحر يكدر ينكر شيمه البحر
اذا زرع الارض يكدر ينسى ضحكة الامطار
احنه للابد والله مانكدر ماننسى عترة المختار
نودهم مثل ود الشرف للاخيار
مثل حب الليالي لسلوة الانوار
هم الايمان.. هم القران
فكيف الكوكب ينسى سحر جمالها..
حبيب الباري ...ابو الاطهارِ
فصلى الله عليه وعلى اله
.................................
شعاع الباري جسد ابو العتره محمد
جبينه بكل عصر يسطع بالانوار
ضوه العالم تجدد شعاع. الما تحدد
وجه سيد الرسل مطلع للاقمار
لسان الدنيا ردد باسم هادينا احمد
كرم جفه صبح منبع للانهار
رسول وكلبه معبد لسان الحب تعبد
نبي وبي بارينا ودعها الاسرار
سنة الاضواء.!!.... ابو الزهراء
كموج البحر تعالى كف نواله
حبيب الباري ...ابو الاطهارِ
فصلى الله عليه وعلى اله
.................................
زهت اشرف مناقب لابو العترة الاطايب
رسول وللرسل خاتم بالاعراب
حمل اعظم مواهب صنع بيها العجايب
كياني مثل ابو القاسم فلا شاف
بلغ اعلى المراتب شهاب ونوره ثاقب
نبي واشرف نهج راسم للاشراف
ابو جفوف المسارب تصب مثل السحايب
بدر مايشبه الوادم بالاوصاف
نبي الله....! عظيم الجاه
كنور الشمس اضاءت كل خصاله
حبيب الباري ...ابو الاطهارِ
فصلى الله عليه وعلى اله
.................................
الاوامر والنواهي غدت بسمه تباهي
مشينه بنهجه والمسرة تبعنا
نبي ونوره اللهي بشعاع القدرة زاهي
جبينه بزهوة الكمره زهه ضواها
عظيم ومجده راهي المجد غيره يضاهي
طريقة بنهجة وبامره مشينا
حمل كل الدواهي فكر مالحظة ساهي
بضمايرنا لابو الزهره عرفنا
هو التنزيل..!! هو التؤيل
وفيه الشرك تلاشى طيف خياله
حبيب الباري ...ابو الاطهارِ
فصلى الله عليه وعلى اله
.................................
ابو الصفوة الاماجد لبس تاج العقايد
رسم النه بجوانحنا قوانين
لابو الزهره نعاهد. علينا الباري شاهد
لابو القاسم نضل احنه موالين
رغم انف الحواسد اذا من عدنه رايد
عمرنا بكل حوانحنا مضحين
رسول ودينه واحد فلا غيره نوادد
بلطف بارينا اصبحنا محبين
صدى الاسلام..! سيبقى سامي
واضفى اليه نور جلاله
حبيب الباري ...ابو الاطهارِ
فصلى الله عليه وعلى اله
.................................
نبي بسره تعزز. صبح للعزه مركز
بفضل رب العرش ربه هو الله
الفكر عن وصفه يعجز مكاسب حره انجز
تجاوز عن محن صعبه بسجاياه
جبل مامره يهتز بقوة الباري تركز
عزمنا من عزم كلبه اخذنا
رتب معروفة احرز عزيز بحبه نعتز
حبيب ونلهج بحبه وعشگنا
رسول المولى! !..منارًُ اعلى
بسر الله تعالى سر كماله
حبيب الباري ...ابو الاطهارِ
فصلى الله عليه وعلى اله
.................................
الملا: باسم الكربلائي
الشاعر : جابر الكاظمي
اسم القصيدة: حبيب الباري
رد مع اقتباس
