اقسم بعباس راعي الشيمه
يعاون الحره اعله طفها وضيمه
ويجي ويترسها خضار الغيمه
ويجيب نهر العلگمي للخيمه
وماتضل عطشانه عنده يتيمه
الثار الثار ابوصالح .....الثار ...الثار
.......................................
ياحسين يصيح ويسل سيفه
براية العباس ياخذ حيفه
ويحكم اعله الدنيا رايه وكيفه
ابن ذاك المايرجع ضيفه
الثار الثار ابوصالح .....الثار ...الثار
.......................................
ويرجع لعبدالله. جايب مايه
وفوك كاع الطف يمد افيايه
ويوگف بنص كربلا يدك ثايه
وتلتم العيله ويسوي قراية
ويطبر الهامه ويطيب الدايه
الثار الثار ابوصالح .....الثار ...الثار
.......................................
ويلحگ النوك بعبايه لزينب
فوك عرش الله يحطها وينحب
يگلها ياعمه اجيت بمطلب
طول اغيابي العذر يازينب
شما بعد يوسف يجي ليعقوبه
يمسح اثار النهار غروبه
المهدي ثار الطف يجي مطلوبة
ويلطم اعله حسين ويشك ثوبه
وترجع هدومه الامس مسلوبه
الثار الثار ابوصالح .....الثار ...الثار
.......................................
يجيب صينيه وشمع لام جاسم
يسوي حنه وبيها تحضر هاشم
تعلى هلهوله عرس للقاسم
ويحضر العباس بيده الصارم
ويهوس ويتلاگه وي القائم
الثار الثار ابوصالح .....الثار ...الثار
.......................................
ويروح للزهره بعلم عباسه
يكلها يايمه ويفيض احساسه
الكسر ضلعج الا اكسر راسه
والحرك بابج الا احرك ساسه
الثار الثار ابوصالح .....الثار ...الثار
.......................................
الملا: مسلم الوائلي
الشاعر: حسن الترابي
اسم القصيدة: الثار الثار ابو صالح
رد مع اقتباس
