تانيتك.... بين الخيم حيره بجمر
تانيتك ....ع التل عطش اخر ظهر
تانيتك....يبن امي شامات السبي صارن گبر
يحسين افرح بالاجل لكن جره دمعي وكلت
لو غمضت عيني ومتت تبجيك غيري يااخت
اتمنيت اعيش اكثر بعد حت انطي حكك لو نحت
لو ما حليب امنه وفه جا ساعه بعدك ماعشت
ويلاه....لو موتي راحه يصير عني مصابك
واحاه...يلما لجمني تراب مثل ترابك
يحسين...الموت راحه والعذاب غيابك
ناعيتك....يلما وفه وياك النعي
ناعيتك....ياماي گلبي ومدمعي
ناعيتك....لو غمضت عنك ردت منك عذر
تانيتك.... بين الخيم حيره بجمر
تانيتك ....ع التل عطش اخر ظهر
تانيتك....يبن امي شامات السبي صارن گبر
ي
.................................................. .........
احجيلك شعندي دمع الماينحجي بطبگ الجفن
مالي عله وداعك صبر لوما سبي وسفرة. وهجر
صح السبي يذل المره لكن شغل گلبي اليحن
من اذكرك يوگع طفل يلتهي بذني اليمتحن
يطيحون....والتهي عنك واركض عله اطفالي
ع النوك....احبال الفواطم هنه شغلن حالي
والگاك....وي كل مصيبه وبالاخص بحبالي
حاجيتك....من غربت اول شمس
حاجيتك....كتلك بعد ما انحرس
حاجيتك.....ماينصبر عنك اذا ماكو يسر
تانيتك.... بين الخيم حيره بجمر
تانيتك ....ع التل عطش اخر ظهر
تانيتك....يبن امي شامات السبي صارن گبر
ي
.................................................. .........
من وگفت التل الظهر لو بيدي عنك ماروح
ثاريني ميته من قبل من وادعيتك مذبوح
من مر علي موتي اذكرت تلي وعذابك والنوح
ثاري نزلتي بلا اخو تشبهه نزع هاي الروح
وشلون....من انزل واخر اخو مو وياي
عطشان...والرحمه لمن تنذبح كون بماي
الموت...يشبه نزلتي من صفيت بلا راي
واسيتك ..ماي انذبحت انا بضوه
واسيتك....ميته الفرق اشتم هوه
واسيتك....خويه ولاخر نفس انزف صبر
تانيتك.... بين الخيم حيره بجمر
تانيتك ....ع التل عطش اخر ظهر
تانيتك....يبن امي شامات السبي صارن گبر
ي
.................................................. .........
مو بالاجل واذكرك اذكرتك وانا بنار الخيم
كلت شوكت يطفه اللهب وياخذني لحسين الجدم
تعنيتك انكث بالجمر من غطه ليل الله الحرم
لصدرك امد ايدي وارد كلما امدهه الكه سهم
بالنار....وعطشان اصيح وينتظر اخته حسين
وشصار...من النار صرت اتحاشه مدري من العين
وتحتار....تستر بناتك لو تطفي الجفين
من جيتك....اتوادعك واتعذرك
من جيتك....ماشفته خاتم خنصرك
تانيتك.... بين الخيم حيره بجمر
تانيتك ....ع التل عطش اخر ظهر
تانيتك....يبن امي شامات السبي صارن گبر
................................................
الملا:: سيد سلام الحسيني
اسم القصيدة: : عطش اخر ظهر
رد مع اقتباس
