شكري وامتناني ..من گلبي ولساني
ملى حبج كياني...يزهراء
مولاتي يافاطمة...مولاتي يافاطمة..يازهراء
...................................
فاطمة اصل الصدك واصل الكمال ونوره
فاطمة البسملة واية بمتن كل سورة
قبلتني وي الخدم اطبخ وانظف جدوره
خلتني احب اللطم يـ ام الحسن مشكورة
ماخاب الذكرها..... تنصر من نصرها
وتزيد الشكرها ...برائة
وكل ونة الاونها....للزهره وابنها
گر عيني وسكنها ...بعزائه
مولاتي يافاطمة...مولاتي يافاطمة..يازهراء
...................................
صنع الله ام الحسن والحب صنيع ايديها
متروس حظ وبخت اليبجي ويون عليها
كل الخلائق غدا من تحشر تمر بيها
كلها بجهنم عدا الي يحبها ويواليها
ناموس الصميده ...درعه وقوة ايده
وسالفته لوحيده...ام ابوها
بغض عداها واجب ...وحبها اعلى المراتب
وابنك يابوطالب....كفوها
مولاتي يافاطمة...مولاتي يافاطمة..يازهراء
...................................
نور الهدى الهاشمي وجنة علي وام بيته
كوثر عفاف النبي حجه اعله كل ذريته
الينكر مصاب الضلع بي اية تشرح نيته
ان عفته يلهث ترى ويلهث اذا حاجيته
الينكر حادث الباب...فقهه ودينه جذاب
بداء اهل البغي انصاب...اعله فكره
وقود الحاطمه صار....الينكر حركة الدار
مثل اليحمل اسفار ...اعله ظهره
مولاتي يافاطمة...مولاتي يافاطمة..يازهراء
...................................
مانزعه لون الحزن للزهره طول ايامي
وبخدمة ام الحسن مايوم احل احزامي
ناذر اضل دمعتي بين الگمر والضامي
يكسرها صوت النعي ويفز جمر الامي
ياوجه الجلاله...وحسين وجماله
وخيامه ودلاله...مصابي
مغطيني برحمته...ومالكني بدمعته
حزنه وعاشر اخته...مصابي
مولاتي يافاطمة...مولاتي يافاطمة..يازهراء
...................................
ام العزاء فاطمة متكفله بترتيبه
مو اي شخص بي يطب بس التريده تجيبه
بطيبتها غطتنا بس مكسور ضلع الطيبة
اه شتصب من دمع كل ليله عدها مصيبه
كل يوم اليمرها...يتجدد كسرها
مو باب العصرها...المخيم
ام اعظم اميرة..مهضومه وكسيره
والدمعه الجبيره...المخيم
مولاتي يافاطمة...مولاتي يافاطمة..يازهراء
...................................
ملا: محمد باقر الخاقاني
الشاعر: احمد الهلباوي
اسم القصيدة: شكري وامتناني
رد مع اقتباس
المشاركة الأصلية كتبت بواسطة بًعٌثًـرةّ
