گمگم هلی من الضیم مچفی او تنحب ادلاله
شفت فنیان چن مکسور گلبه او طایح احذاله
یعد هاون لیکن مبحوح صوته او عینه هماله
یلگمگم لیش بهلحاله
اسبب جاوبنی گلی شبیک گمگم هلی اوشیّاک
یمک طایح الفنیان اویلی او تنحب ادلالک
گبل مثلک تحب اتسیر کلهه اتصیح هنیالک
یا شیخ الموگد حاچینی
شفت عشمة هلی من الضیم اید ابریل مشبوگه
الگبل تصهل یخی وتیول اویلی اشیاهه مخنوگه
شفت جمال من اعضای غریب الیحلف ابنوگه
یبن العم دلحگ باگونی
وینک ها یبن عمی قصباً گوّه باگونی
اون ونه بتوالی الیل چنی الخنسه خلونی
گبل خنگة سواد الیل اموت او لا یسئلونی
حی المن بخلاف الناگه
اشحد الحایف بهلیل ضعنک یلإخو ایبوگک
ابدال الناگه عد عیناک عشره انحوف من نوگه
ببصاط المظله ایصیح من سم غضبک ایذوگه
للموت الحایف مابوگه
ناشدت گهوة اهلنه البدلال امخدره
هم تمرین اعله ریجه الفم محد یتذکره
هیچ ردّت عن سئوالی او تنظربس اید اوره
لا یسمع واحد برانی
اگلک یلردّت بهدای بالک لأجنبی تگله
ای امشی اعله بعض اریاگ احسن فضیله الم کله
ویصح ریج الأموتن بیه حرام اعلیه لو مله
ما اقبل یهتز فنیانی
عناده براسی کود هوای من حب الاهل ماتوب
شگ الصدر بیدک شوف یعرَب علگلب مکتوب
انطر گد نطر یوسف و اصبر اکثر من صبر ایوب
یا فوز المجبل لدیاری
کتبت وصیتی من زمان اسمع شنهی الوصیه
های الدله وی فنیان گمگم و احله چفیه
تنحک علگبر لو موت یمی اتکون برحیه
یشال البیرق ماریده
هیچ ام المعال تصیح بذنی سمعت ویهوا
المن هلطوایف های و احنه من آدم او حوا
نادت یا نبض هلگاع لیش بعطش تتلوه
یلمنک غیمه المطاره
لها تاریخ اهلی اعتیج ضاوی بکرم ماضیّه
عدهم زلم هیچی اتگول نازل بیت راعیّه
هلی کانونهم یشهد و المضیف
ادور و جمع الوادم والمضیف
لگل الدهر زید الهم ولم ضیف اذا فد یوم مامر ضیف بیه
اذا مرهم یخی الضیف چله بلیله شتویه
صفوله اضلوع او دوّوهه
کوبر او طال انتظاره شیّب او مات الصبر
و احنه هبود اعله حگنه اتگول میت بلگبر
منطبر شط العروبه اوینه چاس یب الطبر
ماینهذ نایم شیّاله
فرهدو کل الحلال بظهر الحمر و احنه نوم
ما وعینه هلال ما من بس حد یمة الصوم
گوّه خل هلال نرسم او لا نذب یوم اعله یوم
و انعاید زور اعله الباجی
الزهیری