هنا

[الرياحين]

شنهو عذرك من غبت عني وجفيت
ويا سبب التقدمه الي
حته اعذرك بي من عني التهيت
شنهو عذرك يلي ياما وياي تغلط
وانه طيب كلب ياما سامحيت
ويلي همك جنت انيمه انه ويه همي
على وساده وحده وماالك يوم اشتكيت
يلي مايك عكر خابط طول عمرك
ويلي مامره صفيت
ويل حسبتك ذهب غرتني لمعتك
وطلعت مطلي وغشيمه مادريت
وانه يامه زامطت ناس بمحبتك
وهسه فشلت منهو دنكت راسي وبجيت
جنه نتواعد يضل للموت حبنه
ووثقت بيك انه والله وامنيت
وجنه نضحك عل ينقضون الوعد
وهسه واحد منهم انته وبوعودك ماوفيت
وجنه نتبادل الحب والغرام
وياصلافة عينك بسرعه نسيت
وانه يامه جنت اكتبلك شعر
مافتحت اشعاري العندك فرد مره وقريت
ماتعثرت بحرف منهم يناسي
ماعرك وجهك ومن عندي استحيت
ماتذكرت الليالي
لمن بحظني غفيت
وهانت العشره عليك
وبحظن غيري رضيت
وانه بعدك صرت ريشه
وبوسط ريح الشماته انه صفيت
يابلم غادر شواطينه ورحل
كلي ابأي مرسى هسه انت رسيت
وسفه حبيتك وعمري وياك ضاع
ياحسافه وحيل هسه اتندميت
روح حبك مات عندي الله يرحما
وطلبت من الله انساك ونسيت

[النقيب]

كلمات مميزة جداا
شكرا لك

[خواطر~]

وياصلافة عينك بسرعه نسيت
وانه يامه جنت اكتبلك شعر

مافتحت اشعاري العندك فرد مره وقريت
ماتعثرت بحرف منهم يناسي
ماعرك وجهك ومن عندي استحيت

الرياحين
ما أجملكِ وأبهاكِ
وأنت تعزفين حروفكِ
بآرق المشاعر وأنبلها
هنيئا لنا بكِ أيتها الشاعرة
الأنيقة صاحبة القلب الشجي
تحياتي وتقييمي المتواضع لكِ

[الرياحين]

كم اسعدني تواجدكم وزاد هذه الصفحة اشراقآ اشكركم جزيل الشكر