ملاحظات مركز الفحص للرياضيات
اشياء اذا هملتها راح تتنقص عليها:
1- في ايجاد قيم( x , y ) بالاخير من تطلع قيمة x و y لتعوفها تايهة،اكتبها بمجموعة حل مثل:
S = { قيمة x , قيمة y }
2- بسؤال هل الجذران مترافقان؟ من تكمل حل اكتبلة شنو طلع الجذران مترافقان لو غير مترافقان.
3- بالقطوع من تطلع البؤرة لازم تطلع موقعها مضبوط لان اذا خطأت بيها تنخصم منك ٣ درجات ،ويأثر على باقي الخطوات،
4- بمسائل الاشكال الهندسية الي تبدي جوابها بفرضية (نفرض طول ضلع القاعدة x) هاي الفرضيات لازم تكتبها حسب السؤال الي يجيك لان تتنقص درجتين اذا نسيتها،
5- مطالب بالرسم في مسائل الاشكال الهندسية ومسائل رسم الدوال بالفصل الثالث واذا ما رسمت تتنقص درجة او درجتين،
وايضا في سؤال القطوع يفضل الرسم خاصةً اذا كان بالسؤال قطعين واحد طاب الثاني،
6- اذا طلع عندك بسؤال قيم تهمل،فأكتب يمها تهمل واذا ماكتبتها تتنقص درجة،
7- بالمعادلات التفاضلية من يكلك هل العلاقة ( ) تمثل حلا للمعادلة
اخر شي لازم تكتب : العلاقة تمثل حلا للمعادلة
واذا ما تمثل تكتب العلاقة لا تمثل حلا للمعادلة،
8- من يكلك حل باستخدام التعريف فاجباري تحل بطريقة التعريف ،اذا حليت بغير طريقة يعتبر حلك غلط،
9- الناتج اذا طلع غلط عندك تتنقص درجة،
10- ثابت التكامل C+ اذا ماكتبته تتنقص درجة .
11- ملاحظة من عندي: اذا جاك سؤال وبي اختر الجواب الصحيح وناطيك كذا جواب،فهنا لازم تحل السؤال بالكامل وتبقي الحل مو تختارلي الجواب بالحزورة.
12- اخيراً حاول ما تختصر بخطوات الحل ،معليشي اكتب ولا تخلي المصحح يفكر ينقصك ولو ربع درجة.
. ملاحظات خاصة لطلبة الادبي:
١- بسؤال كم كلمة مكونة... لازم تكتب نوع التكرار اذا ماكتبته فالتكرار غير مسموح،
٢- بسؤال ابحث استمرارية الدالة..... في كُل مجالها: بالبداية لازم تكتب اوسع مجال للدالة = R وبالاخير لازم تكتب انُ الدالة مستمرة او لا ،لنفرض مستمرة تكتبلة:
بما انه الدالة مستمرة عند...
اذا الدالة مستمرة في مجالها،
اذا ماكتبت هذول تتنقص ع كُل وحدة درجة،
٣- بسؤال بكم طريقة يمكن إجراء.... : لازم تكتب عملية الضرب اذا ماكتبتها تتنقص درجة،.
رد مع اقتباس