الاعمى يحلف بالضوه
يكلهم بريء
وهو يوصل رمشه ويروح الضوه
الاعمى يحلف بالضوه
يكلهم بريء
وهو يوصل رمشه ويروح الضوه
ما ردنه بوجهنه تبين اللوعـات
بس هو التعب والشيب شيضمه
تصح مرات عله تنهضم وتروح
بس مـر البگلبـك گلي شيـهضمه
گلبي ضَل أبيض رغم عاشر سواد،
الهيلَة ضَلّت هيلَة ماغيرها چاي
بعد بيمن تامن خربت الناس
الضحك وياك يدعي اعليك بالشين
كبل جانت مرؤة وصدك وحساس
هسه الناس صارت عده وحهين
الصحبة مصالح
هذا الامر واضح
كلشي انشوفه بالعين
.
تعال امسح ادموعك وارسم افراح
على عيونك وخدك والشفايف
ومعليك بحزن ذيج المواضيع
وراح اختارلك احله السوالف
واعرفني وبعد لاتعرف الناس
واني وياك ننساها الطوايف
معلينا بعد بالرايح وجاي
معلينا ولو بس ابقه خايف
اخاف عليك من عين اليحسدوك
ومن عيون تجار العواطف ..
جبار رشيد ..
.
لا تكتب قصيدة تواسي الجروح
وانت بجرح كلبي صرت ماهر
ولا تحجي بعد عالحب والاشواك
اصلا بالهجر صرت انت شاطر
صير انسان لاتعذب اليحبوك
وفكر من بعدها اتصير شاعر
موجــود اليحـبـك واليكــرهـك حيل
وأكو المكتول منك والسبب مجهول
أكو بحجة ظروف يهملك وينساك
وأكو يدگ باب بيتك حتى لو مشغول
لا تِهتم أبد لو ردت راحـة بــال
وي النـاس خِلگـك خَـلَـة حيل إيطول
بس يبدي الشتا اتذكر ومن اتذكر اتعور
ومن اتعور احتاجك
بر ويتاني مزنة ماي
والبر يصبر اعله الماي
مثل صبر الشتا ع البر
من أهد ما صار عندك راي عني إتروحو آنه لـ يومك ابلا راي ،
ما أوصيك خاف إتصيرلك قسمة
و تبدلني بـ وجه ثاني
ترا مو كل وجه بي ماي !
شيرجع الطفولة وذيج الأيام
رغم ذيج البساطة الراس خالي
صح الماي عدهم جان خابط
بس صافين نية وصار صافي
على النيات جانت عايشة الناس
شكثر عدهم حنان وگلب وافي
رد مع اقتباس