الدنيا يا أصحابي دار الامتحـان
والنتيجة بكيفك انت ختارها
المال ما يصنع بشر هذا محـال
العفة والأخلاق تغني أعمارها
الجنة يا صاحب تطب ألها بلاش
بحسن أخـــلاقك ودينك طارها
والجحيم أنت بحياتك تشتريه
بالذنوب المخزية أنت القارها
والعقل عندك هـــــدية امن الإله
تجحد النعمة ورضيت أوزارها
تذنب وربك يوعدك بالعفو
وأنت تتكبر على جبارها
فضلك ونطاك أنت أشما تريد
تصاحب الدنيا وتوافي أشرارها
فكرت في يوم من هول العقاب
أبيوم ما ينفع تكَول أعذارها
يا عذر مقبول صرح كلي بيه
وصفحت إعمالك تجي بإسرارها
تنكشف صفحت أعمالك للجليل
وراسك أمنكس خجل من عارها
حــــــــاذر الدنيا ومطبات الفتن
دنيا تغنيك بجمـــــــال فكارها
الدنية عبرة توَصلك دار القرار
لو رياض الجنة لو نص نارها
وذكر الغربة بلحدك يا فقير
بدار وحشه يمددك حفارها
دار لا بيها انيس ولا حبيب
والغشاوة تزيل عن أبصارها
وتحضر الاملاك حل وكت الحساب
وحنه كلنه ذنوب يا ستارها
الجان محسن بينا يبشر بالنعيم
يعيش جنات الخلد وأنهارها
ولكم كل الحب
اخوكم
ابو زهراء البهادلي
رد مع اقتباس
المشاركة الأصلية كتبت بواسطة Haidar Iraq
