ليلة وبعدها وين .....نتلاگه ياحسين
فرگتنا قدرنا
خل نذكر الزمان ....شبينا ع الحنان
وع الخوه كبرنا
تعاهدنا يم ابوي....تضل ملجئي واخوي
يامحلى عمرنا
ايام الوصال ....والحب والدلال
وملكاك ذاك العذب
تفيلي بديك ....وعيني افتحها عليك
وانظر الوجه الرحم
لا يسنينه الحلوات بالهيمة الهجر تالي!!
يدنيا اخذي التريدينا وعوفي اخوتي. گبالي
هاي شلون تالي النوب اعوف بكربلا الغالي
يبن امي ياحسين.....يبن امي ياحسين..
..............................................
وي امنا ياحسين. ....ماسمحت السنين
ولوعنا يتمنا
حملي انتجه عليك ...من تحط ادي بديك
ترويني محنه
شلون وزمنه دار....لا يطلع النهار
ويطشرة شملنا
لو صار الصباح ...وفيك مني راح
لا عندي اخو لا سند
للتل راح اجيك ...بس ارفعلي اديك
والباقي اعله اختك بعد
اختك لاركض الصوبك واطر الجيمه والعدوان
وافيّ اعليك بظلالي واجازيك بوفة الخوان
واگلهم لا تذبحونه ابن امي وگع عطشان
عشرة عمرنا ذاك ...يبن امي وبـ وراك
تهد حيلي الليالي
الماشفته بالخيال....فراكك كلت محال
ولا مر بخيالي
هسه وصدك تصير ...بالليل الوداع احير
واتناسى دلالي
بس هالليلة هاي...وعايفتك وراي
وگوة نفترگ
لو صار البعد ...وع الهزلة واصد
وبشوگ ناري احترگ
وحك طيب العمر يحسين ودر السوه مرضعنه
شوگك لا يبارحني ولا حزنك اكف عنه
لاون عليك ليل انهار واداري الونة بالونه
يبن امي ياحسين.....يبن امي ياحسين..
..............................................
مگابلتك وانوح...وداعك سلبني روح
وگليبي كسرته
متعلقة روحي بيك...حگي انهظم عليك
يالغالي على اختك
مالي بهلي نصيب ...ورد دهري ع الغريب
سم عمري جرعته
طول ياوداع ...لاحگ ع الضياع
وتفته باجي الگلب
عنك راح اروح... ابجيلك وانوح
ودموعي عيني تصب
انجان تريدني انسى وابطل النوح وونيني
اخذ ذكراك من گلبي واخذ صورتك من عيني
وايامي العشتها وياك اناغيك وتناغيني
امي ياحسين.....يبن امي ياحسين.
....................
الملا: محمد باقر الخاقاني
الشاعر: السيد انور الموسوي
اسم القصيدة: ليلة وبعدها وين
رد مع اقتباس