مراقبة
تاريخ التسجيل: October-2016
الجنس: أنثى
المشاركات: 40,018 المواضيع: 6,521
صوتيات:
10
سوالف عراقية:
0
آخر نشاط: منذ 3 ساعات
كلمات قصيدة نار بدليلي تسعر ( نام برغد و تهنه) / حمزة الصغير/ مكتوبة
|
|
|
نار بدليلي تسعر
نار بدليلي تسعر ... ماتنطفي يالاكبر
والنار شيطفيهة ... تحرك كلب راعيهة
ما تنطفي يالاكبر
--------------------------------------
نام برغد واتهنة يالحققت آمالي ... ياثـمر كلبي وعزمة
هيج الولد يردونة مايعز دمة الغالي ... للدين يصخب دمة
وارفعت بالعز راسي وادريك نعم الوالي ... والكلبي تطرد همّة
تدري دليلي شصابة؟ من الفراكـ صوابة
والمهجتي ساليهة ... والنار شيطفيهة ... ما تنطفي يالاكبر
--------------------------------------
اللازمة
--------------------------------------
يومك جرع دلالي ماشفت بعدك راحة ... ومنين اجيب الراحة
ومدوهنة خلاني وبـحربتة الجراحة ... زيدت كلبي جراحة
وعيوني تربي ومكسور كلبي انطفة مصباحة ... يالشوفتك مصباحة
نيرانك التجويني ... وفراكك المآذيني
والروح شيسليهة ... والنار شيطفيهة ... ماتنطفي يالاكبر
--------------------------------------
اللازمة
--------------------------------------
يابني تعبت بايامك واتلفت راحتي ليلي ... لجلك ياراحة ليلي
والمهد كلب امك جان واكتارهة انسي وحيلي ... ياعزم همتي وحيلي
ومن طالعك صفحة نور ينعكس وتضويلي ... بالعاطفة تضويلي
سهم الدهر خيبني ... من صوبك صوبني
والجبدتي مآذيهة ... والنار شيطفيهة ... ماتنطفي يالاكبر
--------------------------------------
اللازمة
--------------------------------------
يالمرتعك دلالي فركاك زيّد نوحي ... ومساهرات عيوني
كتت عليك دموعي وشلون شاهت روحي ... لاجلك ياصدكـ ضنوني
ظليت اداوي جروحي يابسمتي بـجروحي ... وبضعتك ضيعوني
صابت دليلي الصدمة ... يبست دمي بـجسمة
وجروحي شيداويهة ... والنار شيطفيهة ... ماتنطفي يالاكبر
--------------------------------------
اللازمة
--------------------------------------
ردتك ذخر ياوليدي للعايزة ذخرتك ... وارسمت صورت حبي
لو صحت يابني النخواي بكل عزم تشتد همتك ... آوليك ياشوفت دربي
صابت دليلي الايام وبكربلا ضيعتك ... وانطفت شمعت كلبي
اكضي العمر بالحسرة ... ودمع العيون اليجرة
يافراكك مسابيهة ... والنار شيطفيهة ... ما تنطفي يالاكبر
-------------------------------------
------------------------------------- |