ریت مرمي اعله الوطیهولاشفت زینب سبیه
چتوفهه _یسروهه
آه ویلاه ...آه ویلاه
ریت میت بالطفوف ولا شفت هذا الجره
عمّتی زینب اسیره والحسین اعله الثره
یوم عاشر شمر یذبح والدی من منحره
الجره اعله اهلی یعالم ماجره اعله أحد تره
یاابو وایشوفه ابنه
یذبحونه ویجر ونه
هالمصیبه... اشگد عجیبه
آه ویلاه... آه ویلاه
أبد ما فارگ خیالی امصاب اهلی والألم
یا ابن یدفن ابایده جسم ابوه ایلمه لم
یاهو مثلی اچفوف عمه انگطعن وبیده العلم
یاهو چن عبدالله ضامی صابه بالمنحر سهم
امنين اجتنه الغاضریه
الاکبروجاسم رمیه
ياهظمية... اشهالظليمة
آه ويلاه... آه ويلاه
المصایب حنن ظهری امنین اجیب آنه الصبر
لیلی بالآهات أخلصه وتبتدی اهمومی الفجر
الیفارگ شخص غالی ایعیش عمره منکسر
وآنه راحوا اهلی کلهم اشلون اگضیه العمر
ابیوم واحد فارگونی
اهلی راحو مااجونی
ودعتهم ... فارگتهم
آه ویلاه... آه ویلاه
آه من حرگوهه خیمة بت ابوالحملة الابي
تنظر اعلینه الشماته وینظر النه الاجنبی
تالی ما تالی الامیره تمشی بدروب السبی
اتنادي يحسين انسبينه يبن امي وأبي
شفت بعیونی المنیه
عمتی ابدیوان امیه
علوية... هاشمیه
آ ويلاه ...آويلاه
صعبه من اگبال عینك مره ایچتفوهه ابحبل
الأبد ما ینشاف ظلهه تالی تصعد عالأبل
لا تسألوني إعله حالي حالي أبد ما ينسئل
بالسلاسل گيدوني و عالحرم عيني تهل
عالمصیبه اشگد بچینه
وی رقیه ووی سکینه
بالخرابه... ابلا گرابه
آه ویلاه... آه ویلاه
من بعد كل هالمصايب صابو ابسم چبدتي
وگربت ساعة مماتی وانتهت هم دنیتی
بالمرض والسم انازع ماکو مثل امصیبتی
عمری گضیته مآسی مثل حالة عمتی
ابلوعه اودعهه حیاتی
وانتظر ساعة مماتی
دمعه دمعه ...ذبت شمعه
آه ویلاه... آه ویلاه
✍حیدرالحدادالکربلائی
رد مع اقتباس