لسان حال السيدة رقية(س) تخاطب والدها اباعبدالله الحسين(ع)
چتفوهن ادیه...من عفتك رمیه
بویه مشت درب السبی بنتك رقیه
@@@@@@
بعدك خذونی...طفله وسبونی
وآنه رقیه امدلله بحضان ابوهه
ابحضنك یغالی... عِزّي ودلالي
ابفگدك یبوالیمه دلالك عذوبهه
چنتولي حراس...انته اویه عباس
عفتك ذبیح وعمي چفینه اگطعوهه
الاکبر وجسام... صرعه بالخیام
بعد الاهل بویه حرمکم یسروهه
والعادونه ظلّام ...عشنه الطف بالآلام
شفت الهظم وی عمّتی بالغاضریه
بویه مشت درب السبی بنتك رقیه
@@@@@@
چانت فرحتی... آنه اویه اختی
ارجع بعد طف کربله واتلمنه الایام
تشفه العلیله...و الهم نشیله
انساعد ابونه وللشدد نتحزم احزام
تالي زماني... ابسهمه رماني
امشي سبيه والأماني صارت احلام
بأختی فجعنی... وانگطع ظني
فگد الاخت كلش صعب جرحه میلتام
اختی الچنت اودهه... تالی ماشفتهه
چنت ابأمل نرجع أهل نلتم سویه
بویه مشت درب السبی بنتك رقیه
@@@@@@
چانت ابّالي... یکبر ابجالي
عبدالله واتهنه واشوفه ابطول الاکبر
ماادری بأنبال... یرمون الاطفال
ابسهم المثلث حرمله ايصوب المنحر
گلب امي مجروح...تگضي العمرنوح
اسمعهه تنحب يالولد گلبي تفطر
و لیلی تنادی...اتگطع فؤادی
من اسمعت شبه النبي الاکبر توذر
راحوا کل اخوتی...وأحسن گرب موتی
بعد اخوتی متنطره تلفي المنیه
بویه مشت درب السبی بنتك رقیه
@@@@@@
رحله طويلة... ياهو اشتكيلة
ودعنه جسمك وانته راسك يبرة لينه
مابين الاجناب...بت اشرف انساب
ترضة عزيزة گلبك اتنوح وحزینه؟
السوط اعله متني...وتتعاله ونتي
وزين العباد امگيد ودمعته ابعينه
لايذه ابعمتي...آيا غربتي
آنه وسكينه والسبايا اشگد بچينه
صفينه ابلاگرابه ... وگعدونه ابخرابه
سلبوا تراچي ابنيتك گوم آل اميه
بویه مشت درب السبی بنتك رقیه
@@@@@
طبیت أنه الشام... وامدنگه الهام
مشونی بالسوگ و بالاحجار اضربونی
اشگد لوعوني... من دخلوني
ابمجلس يزيدابطشت راسك شوفوني
منظر مينشاف... يضرب بالاشفاف
ذاك اللعين و كل هدفهم يجرحوني
لمن نظرتك... راس وشبگتك
جتني المنية وانتهت قصة شجوني
مت آنه اعله راسك...وأشتمهن انفاسك
تالي متالي يالابو رحت امنديه
بویه مشت درب السبی بنتك رقیه
✍حيدرالحدادالكربلائي
رد مع اقتباس