موشح لسان حال مولاتنا السيدة زينب(س)
آنه بت باب العلم والمعرفه
یاهو یرضاهه اروح امچتفه
@@@@@
رحت مچتوفه وعفت یم النهر
اچفوف مگطوعه وظهر یمهه انکسر
وسهم خیّب ظنی من صاب الگمر
وبالعمد خدری بلا کافل صفه
@@@@@
ابلا کفیل اطلعت حرمه امیسره
وعفت چثه ابلایه راس اموذره
اشلون نومه احسین نایم عالثره
والشمر حز منحره من الگفه
@@@@@
مرمی اخوی اعله الثره وگلبه جریح
ومن عله الشیبه الکریمه الدم یسیح
اگعدت یمه وصحت یحسین الذبیح
سبو اختك والشمر بینه اشتفه
@@@@@
اشتفو بینه ویسروهه العایله
الاکبر وجاسم ضحایه ابکربله
انذبح عبدالله ابسهم من حرمله
ونور بیتك یا ابوالیمه طفه
@@@@@
گابلیته وگتله اختك ما ترید
تمشی مسبیه ویچتفهه یزید
وچن یگلّي اشبیدي مگطوع الورید
هذا امرالباري مو طبعي الجفه
@@@@@
وچن یگلّي اوداعة الله یالاخت
وآنه أحس ودعت ابوالیمه ومتت
وچن رقیه اتگله بویه اتیتمت
هذا حال اعیال آل المصطفه
@@@@@
دخلونه الشام والشامت شمت
عيدوا من شافو الحره انسبت
لوعدل عباس وايشوف اشصفت
چا فزع وابأيده يلمع مرهفه
@@@@@
العدهه أهل ياناس همهه ينجلي
وآنه بالطف ضيعتهم كل هلي
أنخه وأصرخ إفزع إلنه ياعلي
من بعد ولياني عالدنيه العفه
@@@@@
✍حيدرالحدادالكربلائي
رد مع اقتباس