هنا

[بلاسِمُ الأدب]

یحسین الك سیدی امن الزغرگلبی هوهوللموت عشگی الك مایوم جدمی هوه
بانفاسی اشتم عطر ترتبتك لا مو هوه

ربك ضریحك الك هوّه الذی نَصَبه
غصبا" عله التنکرك واعدائك ال ناصبه
خدامك ابکل زمن مجلس الك ناصبه

و المايحبك منو یاسیدی من هو ؟؟!

[بلاسِمُ الأدب]

يا نحر مبتور بالبترة كمل
يا كلام الله و تراتيلك أمل
يالطريقك حَي إلى خيرالعمل
يا غلانا و يا ضوى العرفان
وانفاس الصبِح
شلون رهمت كوكب يشيله الرمِح؟!

عايشك بغروب روحي وصرت اخاف وداعتك

كل ليلة اغمّض وانذبح ..!

احترگ من اكتب اسمك
ماي بعروگ الگصب والدنيا نار

واكتب اسمك
وانچوي بدمك واموت
باردة الوادم ونحرك بعده حار

كبريائك يكبر بعكس الظروف
شما يعيل العطش بيك
يزود بستانك خضار

تظلم الدنيا وضريحك
ينطي من گلبه نهار

يا ثلج ينزل على روس الجبال

يا لهب يصفع شبابيچ القصور

يا حلو ومذبوح ..
دمك ؟ لو بخور ؟

ليلة الوحشة شكثر بيها ظلام
ومن رگبتك للسما شكد بيها نور

#السلام علی الحسین

الدکتور حسين النجفي

AH_BZ