♡♡♡
دخلو العباس والاكبر سوه
عدهم اطلابه بگاعچ نينوى
اليوم عركتنه ولا رايح تفض
علي والعباس خنگوه الهوى
العسكر نسه مشراده حيرو بيه القادة
حي الله زلمچ هاشم
وصل بيهم علي الاكبر بالحرب
وهو فوگ الخيل جايبهم ضرب
تيهت مشرادهه خيل وزلم
علي الاكبر ضيع اعليها الدرب
ضل يذبح الخياله سودن العياله
حي الله زلمچ هاشم
جدحت اعيونه ابو فاضل جمر
سوه بالفرسان خوفه من العمر
وخاط بيهم لحد ما كلعا انتهت
وجيشهم كلمن حفر بيده گبر
كفو من العباس دخيلك ينوماس
حي الله زلمچ هاشم
العرك صار مگابل وتوه حله
وكل المعسكر تيه ومحد اله
وتعبت الفرسان من قوة علي
وطشرتهم خزرته بگد كربله
الاكبر يدگ اعليهم والگمر يذبح بيهم
حي الله زلمچ هاشم
گلهم العباس مني لا مفر
اليوم ما يثبت گبالي ولا نفر
اترس الگاع بجثثكم گالهم
ومن جثثكم راح اترسنه النهر
الاكبر يدگ اعليهم والگمر يذبح بيهم
♡♡♡
رد مع اقتباس